La sesa numero de Heroldo en 2009
HeKo 391 5-B, 25 maj 09
Atingis la publikon la sesa numero de “Heroldo de Esperanto”, raportanta pri la eventoj inter la 20a de aprilo kaj la 11a de majo 2009.
Reklamspoto en komunikada krizo
HeKo 391 4-A, 24 maj 09
La lanĉo de “filmĵurnalo” (ĉu ĝi aperos ĉiutage?) fare de kaj esence pri la Centra Oficejo de Universala Esperanto-Asocio ŝajnas reklamspoto en komunikada krizo, kiu trafis la periodaĵojn en gravito ĉirkaŭ UEA mem.
Sepa Naturamika Semajno de KCE
HeKo 391 3-B, 21 maj 09
La sepa Naturamika Semajno (NAS) organizita de Kultura Centro Esperantista okazos en Grindelvaldo/Grindelwald, 2-9 aŭgusto 2009, kun alveno la 2an vespere kaj forveturo la 9an matene. Temas pri la unusola naturamika semajno en Esperantio, de post la morto de TANEF kaj la sinmortigo de la gazeto “La Migranto” en 2006.
Embaraso pri la sorto de Greziljono
HeKo 391 2-A, 18 maj 09
Granda embaraso pri la sorto de Grésillon en Francio, okaze de la asembleo de la kooperativo posedanta la kastelon, sabaton la 16an de majo 2009. Fakte oni ne scias ĉu ankoraŭ vere posedanta: laŭ leĝo de 2001, la societo devintus enskribi sin ĉe komerca registro; ĉar tio ne okazis ene de unu jaro, la societo fariĝis jure ne ekzistanta.
AIS rezignis pri Bjalistoko
HeKo 391 1-A, 18 maj 09
La decido, kie okazu la ĉi-jara Sanmarineca Universitata Sesio (SUS 31), estis inter la plej komplikaj de AIS San-Marino iam ajn. Estis ja klare, ke fine de julio okazu AIS-IKU, la Internacia Kongresa Universitato, kadre de la 94a Universala Kongreso de Esperanto en Bjalistoko, kaj en tiu urbo okazis jam SUS 8 kaj SUS 9. Do unuflanke logis la ideo, ke AIS-IKU estu samtempe SUS 31.
Al Moskvo mankas atuto
HeKo 390 9-A, 17 maj 09
Ŝajnas ke Moskvo ne alportas bonan ŝancon al la ne samseksemaj batalantoj kontraŭ homofobio. Tion spertis esperantano jam antaŭ du jaroj, la kontuzita EU-parlamentano Marco Cappato (pri la agreso fare de la moskva polico en Esperantio raportis nur “Heroldo de Esperanto”) kaj hieraŭ spertis juna esperantistino, Ksenija Prilepskaja, TEJO-komitatano.
UEA havas sian televizion
HeKo 390 8-A, 16 maj 09
Universala Esperanto-Asocio havas ekde hieraŭ sian televizion: UEA viva. Temas pri 10-minuta kingazeto kun raportetoj pri aktualaĵoj en la vivo de UEA kaj TEJO, kaj de la Centra Oficejo. Ĝia aperofteco estus semajna aŭ duonmonata.
EDE ne respondas pri la Lisbona Traktato
HeKo 390 7-A, 15 maj 09
La politika partio Eŭropo-Demokratio-Esperanto alfrontas la balotkampanjon por la EU-Parlamento en du el la dudek sep landoj de Eŭropa Unio.
Internacia Tago de la Familio
HeKo 390 6-C, 14 maj 09
Karaj gecivitanoj,
Morgaŭ, la 15an de majo, estos la Internacia Tago de la Familio. Okaze de tiu tago, ĉiu komunumo, lando, pripensas kion fari por la progreso de la familio, por ĝia feliĉo; por solvi la problemojn, la krizon de la familio, tiu grava baza elemento de la socio.
"Blaise Cendrars" festas kun Manuel de Seabra
HeKo 390 5-B, 13 maj 09
La nomo de Blaise Cendrars, unu el la gloroj de Ĉaŭdefono (kune kun Le Corbusier, Chevrolet kaj Humbert-Droz), aperas en la prozaĵo de Manuel de Seabra, portugalo loĝanta en Barcelono, kiu ĵus gajnis la premion “La Verko de la Jaro 2008”, asignitan per referendumo fare de la abonantaro de “Literatura Foiro”.
Afrikano estos la aktisto de la Kortumo
HeKo 390 4-C, 12 maj 09
Neniu afrikano membras en la Kortumo, la arbitracia instanco de la Esperanta Civito; sed ekde la 2a de junio 2009 afrikano trejniĝos kiel aktisto, post c-ano Bernard Henry el Francio. Temas pri c-ano Jean-Sacha Barikumutima el Burundio, studento pri juro, kaj unu el la junaj partoprenintoj en la dua Afrika Esperantologia Semajno, komence de 2008.
Unua lingvotesta sesio en Hispanio
HeKo 390 3-B, 11 maj 09
Kadre de la baldaŭa Hispana Esperanto-Kongreso, Kultura Centro Esperantista kaj Andaluzia Esperanto-Unuiĝo organizas la unuan lingvotestan sesion en Iberio konforme al KEFR, Komuna Eŭropa Framo de Referenco: jam dek personoj kandidatas por diversaj niveloj.