Kvankam estas tempo ĝis 2 junio 2021 por kandidatiĝi, la vickonsulo pri financoj jam komencis la preparon de estonta stabano ĉe la orienta legacio de la Esperanta Civito. Temas pri persono naskita en iama Sovetunio, nuntempe deĵoranta en okcidenta Eŭropo ĉe neesperantista INRO tegmenta al unu el la paktintaj establoj.

Norda Irlando kaj specife Belfasto refalas en la riskon de civila milito. La ĵusaj gravaj perturboj en la nordirlanda ĉefurbo (interalie sidejo de la venonta Universala Kongreso de Esperanto) originas el problemoj lige kun la brita secesio el Eŭropa Unio, sed la konflikto inter la partioj havas antikvan, profundan radikon.

Kiom da dungitoj en Nieuwe Binnenweg 176? Post lastatempa emeritiĝo estus du unuoj kaj duono, inkluzive de telelaboranta direktoro. El deko da personoj en la glora epoko, restus vere malmultaj. Ĉu vere?

Hieraŭ la teamo de la Abeletoj difinis tri atelierojn dum la venontjara Kultura Esperanto-Festivalo en Ĉaŭdefono (10-15 aŭgusto 2022), organizata de Studenta Esperanta Ligo kaj Kultura Centro Esperantista.

Multiĝas la preskaŭ ĉiutagaj manifestacioj, kiujn la bultenoj pri la pandemio kovras kvazaŭ mantelo, precipe kiam ne temas pri protestoj mem kontraŭ la ĉina gripo kun variantoj angla, brazila aŭ sudafrika, nek pri kontraŭdiraj informoj rilate vakcinadon per produktoj usonaj, rusaj, ĉinaj, angle-svedaj…

Bela surprizo en la Paska ovo 2021: kvar jarojn post la antaŭpremiero okaze de literatura kafejo en Budapeŝto, ĉi-monate finpretos la tuta komiksa albumo “Esperantio vivas”, kies bildojn desegnas c-ano Tihomir Lovriĉ, laŭ teksto de c-ano Giorgio Silfer.

La aprila numero 2021 de “La Ondo de Esperanto” detale okupiĝas pri la kvanto de la UEA-membraro, kun negativa preamblo: “Estas atentinde, ke sur la fono de la suma stabileco la plej enspeziga membrokategorio Membro-Abonanto (MA) daŭre ŝrumpas: 1.238 en 2017, 1.134 en 2018, 1.033 en 2019, kaj nur 933 en la pasinta jaro 2020.

Per artikoloj, debatoj, intervjuoj la aprila numero de “Heroldo de Esperanto” (2319) prezentas vervan panoramon de la nuna Esperantio.

Laŭ sia kutimo, “Libera Folejo” ĉefredaktata de Karleto Kiunivela morgaŭ publikigos aprilan fiŝon. La blago estos aparte kruela, ĉar ĝi trafos la plurjaran esperon pri nova retejo de la Universala, anoncante ĝian lanĉon kaj tiel pliigante la frustracion ĉe piaj UEA-anoj.

Roterdamo anoncas ĉiujare sian membrostatistikon, kiu estas aparte interesa rilate la individuan membraron, kies kotizoj vivtenas la Universalan. En la dua jarcento de esperanto (ekde 1987) eblas interesa rimarko: averaĝe la Asocio perdas kvincenton da membroj en ĉiu olimpiado.

Kadre de la planata Esplora Instituto de Esperantologio, la katedro pri metodiko de la esperanto-instruado estas la unua kiu sukcesis difini sian programon, danke al la laboro de kvaropa teamo ĉe Kultura Centro Esperantista.

Konsultinte la senatajn grupestrojn (Lorena Bellotti por la verda majoritato, Anna Bartek por la blanka opozicio) la Konsulo, Riichi Karibe, prokrastas la parlamentan sesion kaj kunvokas ĝin definitive al Loklo/Ĉaŭdefono, por 9 aŭgusto 2021.

La tagordoj de la Senata kaj de la Foruma seancoj estos komunikitaj laŭ la limdatoj fiksitaj de la respektivaj reglamentoj.