HeKo 445 8-C, 23 jul 10
La ĉi-jara ordinara sesio de la Parlamento de la Esperanta Civito okazos en la pitoreska burgo de Landerono, apud la lago de Bielo (Svislando), la 18an de aŭgusto 2010. Matene kunvenos la Senato, posttagmeze la Forumo. La tagordo kaj la dokumentaro estas dissenditaj al la parlamentanoj.
“Esperanto proponas vivi lingvon universalan, kosmopolitan, tutmondan, konstruitan sur la malfermiteco, la akceptemo, la mensa plivastiĝo; ĝi volas ke finiĝu la malbeno de la lingvokonfuzo kaj ke alvenu idiomo kapabla plenigi la fosaĵon de la miskomprenemo inter la popoloj; ĝi proponas konkretan koncepton de la geografio kiel antitezon al la religio de la teritorio; ĝi vetas pri la
Se konsideri publikan anoncon el Roterdamo, al ĉiu individua membro de Universala Esperanto-Asocio baldaŭ respondos milo da eŭroj. Jes, ĉar UEA superis kvin milionojn da bonhavo, en konstanta kresko, dum la membraro proksimiĝas al kvin mil, en konstanta malkresko.
La Universala Kongreso de Esperanto, la plej internacia, malnova, bunta (bla, bla, bla) kaj amasa esperanto-renkontiĝo, duafoje post dudek jaroj okazas en Havano, la plej granda kaj sendube plej bela urbo en Karibio (eĉ se ĝi ne troviĝas en Karibio, hehe). Kubaj esperantistoj multe entuziasmiĝis pro organizado de tiu granda evento, kiu eble ne plu okazos en Kubo.
Kadre de la projektoj ligitaj al la “kvalita etikedo” gajnita de Kultura Centro Esperantista, bone evoluas la restrukturado de la Esperanto-Domo. La kelaro sur la dekstra flanko de la domo estas transformata al konferenca salono.
La pensiiĝo de la unusola salajrato ne efikis pozitive al la financoj de Sennacieca Asocio Tutmonda, laŭ la spezkalkuloj kaj bilancoj publikigitaj en “Sennaciulo”. En 2008 (kun salajro) la negativa saldo de la jarkalkulo egalis al 17.505 eŭroj (kvarono de la tuta negocumo), dum en 2009 (sen salajro) ĝi egalis al 15.230 eŭroj (same).
Kiuj, fine de junio, vizitis Instituton Zamenhof en Lomeo, tiuj povis legi ion ĉe la enirejo. Temas pri la programo por la lasta semajno. Ĉiuj programeroj okazis.
- Lundo la 5a de julio estas nomita Tago de Tchoukball (ĉukbal). Estis ludoj inter la lernantinoj, kaj poste inter la lernantoj.
Sen surprizoj kaj laŭ sovetia metodo okazis la elektoj por la nova Estraro de Universala Esperanto-Asocio, hodiaŭ en Havano.
Esperanta PEN-Centro havos sian ordinaran asembleon en Ĉaŭdefono, 16 aŭgusto 2010, kun eventuala daŭrigo en posta tago, dum la semajno de la Kolokvo pri lingvopolitikoj organizata de KCE.
HeKo 444 8-C, 15 jul 10
En la lasta numero de la revuo “Esperanto”, en la informo pri la IFEF-kongreso, estas menciite ke salutis ankaŭ reprezentanto de la Esperanta Civito. Post jardeka silento, la Esperanta Civito estas menciita en la UEA-presorgano.
(Ljubomir Trifonĉovski, vickonsulo pri kulturaj aferoj kaj informado)
* * *
HeKo 444 7-C, 14 jul 10
Por somero 2011 estas planata la unua kurso por la formado de kadroj en la Esperanta Civito. La celo de la kurso, okazonta en esperanto, estas altigi la organizajn kaj strategiajn kompetentojn ene de la Pakto, favore al la paktintaj establoj mem kaj al la strukturoj de la Esperanta Civito.
Hieraŭ malfermiĝis la 43a Konferenco de Internacia Ligo de Esperantistaj Instruistoj en Matanzas, Kubo. Tio okazis precize dudek jarojn post la unua ekstereŭropa ILEI-konferenco, same okazinta en Kubo. Partoprenas sesdek personoj el dudek ses landoj.
