Heroldo Komunikas | Heroldo Komunikas

Domflegado en Svislando dum aŭgusto 2016

HeKo 612 8-C, 4 sep 16

Pro Esperanto aktivis kiel regio dum la lastaj kvar semajnoj en Ĉaŭdefono. La atento estis donita precipe al la Esperanto-Domo de Kultura Centro Esperantista, kie la stabo de Civila Esperanta Servo profesie ﬂegis la eksterajn fenestrojn: ĉarpentaj riparoj, stukado, farbado.

Legu pli pri Domflegado en Svislando dum aŭgusto 2016

TEJO anoncas grandan financan profiton el 2015

HeKo 612 7-A, 3 sep 16

La unua jaro sub la prezido de Michael Boris Mandirola (sed ankaŭ lasta sub la prezido de Lukasz Zebrowski) estis ﬁnance tre pozitiva por Tutmonda Esperantista Junulara Organizo, kies kasisto Cédric Marchal ĵus publikigis la koncernajn spezkalkulon kaj bilancon.

Legu pli pri TEJO anoncas grandan financan profiton el 2015

Komitatano Z invitas renversi la UEA-estraron

HeKo 612 6-A, 2 sep 16

La kolumnisto de “La Ondo de Esperanto”, pseŭdonime subskribanta kiel Komitatano Z, en sia ĵusa artikolo parolas aperte pri agonio de Universala Esperanto-Asocio. Laŭ la anonimulo “kulpas la komitato, ĉar ĝi reelektis la kernon de la estraro (Fettes prezidanto, MacGill vicprezidanto, Schäffer ĝenerala sekretario) kiu grave malsukcesis en sia laboro.” Jen la ﬁlipiko:

Legu pli pri Komitatano Z invitas renversi la UEA-estraron

Forpasis Reinhard Selten

HeKo 612 5-B, 1 sep 16

Kultura Centro Esperantista funebras pro la forpaso de unu el siaj valoraj prelegintoj, prof. d-ro Reinhard Selten. Li mortis en Poznano (Pollando), 23 aŭgusto 2016. Li mem naskiĝis ankaŭ en urbo nuntempe pola, Vroclavo, en 1930.

Flávio Rebello, separatisma gvidanto en Brazilo

HeKo 612 4-A, 1 sep 16

Flávio Rebello prezidas la separatisman partion “São Paulo Livre”, kiu strebas la secesion de la regiono San-Paŭlo, unu el la plej riĉaj en Brazilo.

Legu pli pri Flávio Rebello, separatisma gvidanto en Brazilo

Lariko Golden gastos en la septembra literatura kafejo

HeKo 612 2-B, 31 aug 16

Dániel Lariko Golden gastos ĉe la literatura kafejo organizata de Fajszi Amika Rondo ĉe Landa Fremdlingva Biblioteko en Budapeŝto, 15 septembro 2016. Li respondos al demandoj pri la temo “Periodigoj de la esperanta literaturo”. Bonvenigos la prezidanto de FAR, c-ano György Nanovfszky.

Legu pli pri Lariko Golden gastos en la septembra literatura kafejo

TEJO redonos nur bagatelan sumon

HeKo 612 3-A, 31 aug 16

La minaco de EU-instancoj redimensiiĝis: Tutmonda Esperantista Junulara Organizo devos redoni nur bagatelan sumon, pro ne plenumo de kontrakta kondiĉo.

Legu pli pri TEJO redonos nur bagatelan sumon

Ĉu negativa referendumo estus seninflua al TEJO?

HeKo 612 1-A, 31 aug 16

La Komitato de TEJO deﬁnitive aprobis sian novan statuton en Vroclavo, en dato 19 julio 2016. La aprobo ne estis unuanima: dek ses pore, sep kontraŭe, neniu sindetene: efektive ekzistis interna opozicio, precipe ĉirkaŭ Pawel Fischer-Kotowski. La Komitato estis pli kompakta aprobante la kontrakton UEA-TEJO, nomatan “Regularo pri kunlaboro”: dek kvin / unu / kvin.

Nova paktinto en Madagaskaro

HeKo 611 9-C, 30 aug 16

La Forumo de la Esperanta Civito akceptis novan aliĝon al la Pakto: temas pri Centre International d’Espéranto en Antananarivo, Madagaskaro. Ĝia direktoro, c-ano Désiré Rabevazaha, estos ĝia unua delegito ĉe la Forumo mem.

Legu pli pri Nova paktinto en Madagaskaro

ARTE 2017 en Svislando, organizos KCE

HeKo 611 8-B, 29 aug 16

La dua ARTE — Arta Renkonto Transnacia en Esperanto okazos en Ĉaŭdefono, dum la tria semajno de julio 2017. La aranĝon organizas Kultura Centro Esperantista, sub la aŭspicio de la Esperanta Civito.

Legu pli pri ARTE 2017 en Svislando, organizos KCE

Buller gvidas la opozicion al la UEA-statutreformo

HeKo 611 7-A, 29 aug 16

La nuna C-komitatano Osmo Buller jam gvidas, kune kun Renato Corsetti kaj Dietrich Weidmann, la ﬁnvenkisman opozicion kontraŭ la estraro de UEA (kaj kontraŭ TEJO) pri la Fettes-reformo (nur parte) aprobita en Nitro. Jen lia referenduma voĉdeklaro, sendita hieraŭ al la Komitato:

Legu pli pri Buller gvidas la opozicion al la UEA-statutreformo

Negativa financa konjunkturo por KCE

HeKo 611 6-B, 29 aug 16

Apartamento vaka dum sep monatoj kaŭzis mankon de 9.000 frankoj en la kaso de Kultura Centro Esperantista. Aldone, la portempaj luoj en 2016 ankaŭ montris malkreskon. Tio kaŭzis negativan konjunkturon, kiun KCE sukcesas superi danke al prunto de Pro Esperanto. La luigo de la apartamento ekde oktobro restabiligos la situacion, kvankam la konjunkturo plene sereniĝos nur venontjare.

Legu pli pri Negativa financa konjunkturo por KCE

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.