“Kajto”, eldonita de Impeto en Moskvo 2009, gajnis la koncernan premion “La Verko de la Jaro”, asignitan de la abonantaro de LF pri la originala poezio de la lasta jarduo. La aŭtoro, Mikaelo Bronŝtejn, estas ruslingva hebreo konata pro sia kanta kaj muzika aktiveco, kaj ankaŭ pro pluraj verkoj proze kaj poezie.
HeKo 452 1-C, 29 aug 10
Kadre de la rilatoj inter la Esperanta Civito kaj la membroj de la Organizo de Nereprezentataj Popoloj, la ĝenerala sekretario de la Nacia Konsilantaro de la Kabinda Popolo restadas ĉi-semajnfine ĉe la Esperanto-Domo en Svislando, kiel gasto de la Konsulo.
La lastan semajnon de julio kaj la unuajn tri semajnojn de aŭgusto 2011 Kultura Centro Esperantista proponos al siaj gastoj kaj klientoj kompletan pensionon en la Esperanto-Domo mem.
Unu el la du subskribintoj de la Manifesto de Raŭmo elektitaj al la nova estraro de UEA lanĉis proponon por malsovetigi la asocion, kies ĉefburokrato efektive estas iama funkciulo de la komunista partio de Finnlando. Nemezo volis, ke la estrarano (Amri Wandel) rezidas en Israelo, kie la ĝenerala direktoro (Osmo Buller) tute ne volis okazigi la Universalan Kongreson en 2000.
Malantaŭ ĉiu informo-arkitekturo kaŝiĝas potenco-arkitekturo. La elekto de TTT-iloj esprimas en si mem eble pli profundan kaj pli sinceran politikan mesaĝon ol la vortoj en la komunikoj, novaĵoj…
La plej popularaj esperantlingvaj retejoj ebligas nur partoprenon; fakte nun post iom da esplorado mi kredas ke eĉ partopreno lamas en tiuj retejoj. Sed pri kiuj retejoj mi parolas?
HeKo 451 6-C, 26 aug 10
Aktivulino de la legacia stabo de la Esperanta Civito liveris al la Kortumo plendon kontraŭ Andreas Künzli, el Lucerno, pro molesta ebrieco.
Kiam, kelkajn semajnojn post la informe riĉa UK-numero de “Heroldo de Esperanto”, la legantojn fine atingos ankaŭ la samtema septembra numero de la UEA-organo, ili trovos tie kongresan raporton verkitan de Osmo Buller.
La Esperanto-Domo en Ĉaŭdefono gastigos en 2011 transnacian kolokvon pri la aktualeco de la klasbatalaj ideologioj. La propono ekestis la pasintan semajnon, ĉe la kolokvo pri lingvopolitikoj, kiu arigis interalie kelkajn ruĝanojn.
Kvankam prezidento Lula da Silva estas la sola kiu atentis la oficialan leteron de la UEA-prezidanto, Probal Dasgupta, ŝajnas ke la brazila Esperantio tediĝis je Universala Esperanto-Asocio, laŭ la suba publika letero.
* * *
La sukcesa partnera iniciato de Pasko 2009, inter Feminisma Esperanta Movado kaj Kultura Centro Esperantista, ripetiĝos ĉi-jarfine en Ĉaŭdefono, kie c-ano Giorgio Silfer gvidos la duan Atelieron pri Beletra Kreivo, prioritate por homoj favoraj al feminismo. La iniciaton ĉi-foje apogas ankaŭ la Esperanta PEN.
HeKo 451 1-C, 23 aug 10
Apud “La Espero” de Lazaro Ludoviko Zamenhof, oficiala himno, iom post iom vastiĝas la repertuaro de kantoj taŭgaj por kunvenoj de la esperanta popolo.
