En grandaj rondoj ene de la esperanto-komunumo regas kvazaŭ aksiomo la tezo, ke unueco estas forto. La tezon oni deziras aplikata tiel, ke ĉiuj esperantistoj prefere kolektiĝu en nur unu organizaĵo. Tio estus, oni kredas, plej efika. Sed ĉu vere? Ĉu iu, kiu studas E-historion povus honeste diri, ke esperanto fartus kaj status pli bone, se SAT neniam ekzistus? Certe ne!
Cento da kongresanoj (el mil okcent deklaritaj) ĉeestis en Roterdamo la hodiaŭan renkonton de la membraro kun la estraro de Universala Esperanto-Asocio.
HeKo 362 3-C, 22 jul 08
La Kapitulo publike respondos al du interpelacioj, anocitaj ĝustatempe por la ĉi-semajna parlamenta sesio de la Esperanta Civito en Bruselo. Ili kompletigas la tagordon de la Senato, respektive de la Forumo.
HeKo 362 2-C, 21 jul 08
La dua branĉo de la Civita Parlamento, nome la Forumo, kunvenos en Bruselo tuj post la Senato, 25-26 julio 08. Kvankam la sesio enfokusighos pri la honoro al Amikejo, kaj la tagordo enhavas neniun proponon de nova direktivo, la agendo de la asembleo de la paktintoj meritas atentan legon.
Venis el Afriko la unusola voĉo en la Komitato de UEA kontraŭ la agadraporto kaj la financa raporto 2007. La togolanda komitatano, c-ano Koffi Gbeglo, en la hodiaŭa sesio de la Komitato detale kritikis la afrikan strategion de Universala Esperanto-Asocio, kaj fine malaprobis la raportojn de la Estraro.
Subtene al la disvastigo de esperanto en Meksiko, la Esperanta Civito stimulis sukcesan partnerecon inter du paktintaj establoj, por reeldoni en la nova mondo la faman lernolibron de Fernando de Diego por hispanlingvanoj.
HeKo 361 7-C, 17 jul 08
La Konsulo dissendis la tagordon de la Senata sesio okazonta en Bruselo post ok tagoj. Pluraj normoj estos submetataj al konfirmo, amendo aŭ aprobo.
La lerneja jaro 2007-08 finiĝas en Togolando, kaj la 18a de julio estos la lasta tago. La 14an de julio jam kolektiĝas amaso da gelernantoj kaj gepatroj en Institut Zamenhof (proprieto de TIETo, aliĝinta al la Pakto) por peti lokon por la lerneja jaro 2008-09.
Kadre de la ĉi-jara Plurnivela Internacia Kursaro de KCE en Svislando, la grupo B havas sian fokuson super la preparo de libreto kiu inaŭguros la serion “Facilaj Legantoj” en nia lingvo. Temas pri romano adaptenda al la postuloj de la B1-nivelo: do reduktenda, konsensenda, klarigenda.
Humphrey Tonkin komentarias la respondon de c-ano Giorgio Silfer pri la UEA-jubileo, aperinta en “La Ondo de Esperanto”:
La duonjarcento de “Esperanta antologio” estas la akcento en la junia numero 233 de la revuo “Literatura Foiro”. Eseo de Carlo Minnaja rememorigas la jubileon, esplorante la evoluon de la projekto.
En dato 25 junio 2008 en la diskutlisto “Lingva demokratio” (al kiu aliĝas ankaŭ nia novaĵagentejo) s-ro Jukka Pietiläinen afiŝis la suban:
