Kultura Centro Esperantista funebras pro la forpaso de unu el siaj valoraj prelegintoj, prof. d-ro Reinhard Selten. Li mortis en Poznano (Pollando), 23 aŭgusto 2016. Li mem naskiĝis ankaŭ en urbo nuntempe pola, Vroclavo, en 1930.
La minaco de EU-instancoj redimensiiĝis: Tutmonda Esperantista Junulara Organizo devos redoni nur bagatelan sumon, pro ne plenumo de kontrakta kondiĉo.
La Komitato de TEJO definitive aprobis sian novan statuton en Vroclavo, en dato 19 julio 2016. La aprobo ne estis unuanima: dek ses pore, sep kontraŭe, neniu sindetene: efektive ekzistis interna opozicio, precipe ĉirkaŭ Pawel Fischer-Kotowski. La Komitato estis pli kompakta aprobante la kontrakton UEA-TEJO, nomatan “Regularo pri kunlaboro”: dek kvin / unu / kvin.
HeKo 611 9-C, 30 aug 16
Malgraŭ la perfido de ILEI, kiu organizos sian kongreson en alia kontinento anstataŭ Afriko, la 73a Internacia Junulara Kongreso estas definitive kunvokita al Togolando, urbo Aneho, 5-12 aŭgusto 2017.
La loka organiza komitato momente konsistas el nur tri aktivuloj (hazarde, ili ĉiuj havas la esperantan civitanecon), sed espereble la stabo kreskos.
HeKo 611 3-C, 27 aug 16
Fondumo Pro Esperanto ĵus kompletigis statistikon pri la forto de diversaj subjektoj en Esperantio.
