Heroldo Komunikas | Heroldo Komunikas

Letero de LF-koop al societo Lexus

HeKo 683 9-B, 14 jul 18

Al la direktoro de Lexus, Brazilo
La sidejo de LF-koop situas en Svislando, kiu bedaŭrinde ne koincidas kun via itinero [ĵus komunikita pri via prelegvojaĝo en Eŭropo]. Neniu reprezentanto de LF-koop partoprenos en la kongresoj de vi menciitaj. Do ni ne vidas kiel eblas renkonti vin ﬁzike, krom se vi modifus vian itineron. Tiam vi estus bonvena al nia sidejo.

FEM asembleis pri diversaj iniciatoj

HeKo 683 8-B, 13 jul 18

La ordinara Asembleo de Feminisma Esperanta Movado disvolviĝis kvorume hodiaŭ posttagmeze en Ĉaŭdefono, ĉe la Esperanto-Domo de Svislando. Aprobinte la aliĝon de novaj membroj el Britio kaj Hispanio, la Asembleo pritraktis la diversajn iniciatojn de FEM.

Corsetti insistas pri la sinko de UEA

HeKo 683 7-A, 12 jul 18

“Kia koŝmaro! La ŝipo Titanic subakviĝas kaj la muzikistaro plue muzikas. Neniam antaŭe mi tiom hontis reprezenti UEAn, kiel ĉi-jare en NASK [Usono].

Projekto Nurenbergo eniras duan fazon

HeKo 683 6-B, 9 jul 18

La dua eksperimenta kurso pri beletra tradukado ekos morgaŭ ĉe Kultura Centro Esperantista, sub la gvido de d-ino Perla Martinelli. Partoprenos literaturaj tradukantoj el Anglio, Francio kaj Italio, kiuj dediĉos sin al la esperantigo de la dramo “Fin de partie”, verkita de Samuel Beckett. Recenzo pri la dramo aperis en “Literatura Foiro” jam en 1974.

Nia literaturo dum la estona BET

HeKo 683 5-A, 6 jul 18

La esperanta literaturo estis en la fokuso de la dua tago de BET en Pärnu (Estonio). Al multnombra publiko (sed ne tiel multnombra kiel kutime en Litovio dum ĉi tiu aranĝo) prelegis unue prof. Giorgio Silfer kaj poste d-ino Perla Martinelli.

La plej esperantista maro en la mondo

HeKo 683 4-C, 5 jul 18

Laŭ invito de la prezidanto de Esperanto-Asocio de Estonio, s-ro Tonu Hirsik, hodiaŭ matene la Konsulo de la Esperanta Civito inaŭguris per mallonga alparolo la 54ajn Baltiajn Esperanto-Tagojn, kies unua renkonto, sub la nomo Baltia Esperanto-Tendaro, okazis antaŭ sesdek jaroj en Latvio.

Resurektis la Esperanto-Instituto de Estonio

HeKo 683 3-C, 3 jul 18

“La Esperanto-Instituto de Estonio, fondita post la unua mondmilito, neniam estis formale malpermesita. Simple ĝi nun daŭras laŭ novaj fortoj” deklaris c-ano V. Hromov hodiaŭ en Arensburgo/Kuuresaare, bonvenigante la Konsulon de la Esperanta Civito ĉe publika renkonto en la kulturdomo de la estona urbo, kiu kandidatas kiel kultura ĉefurbo de Eŭropo.

Mil kaj unu lunoj festataj de Perla Martinelli

HeKo 683 2-A, 30 jun 18

D-ino Perla Martinelli festis hodiaŭ en Helsinko siajn mil kaj unu lunojn. Kunestis intimaj ﬁnnaj geamikoj, precipe el Savonio kaj Tavastio, kaj la Konsulo ŝia edzo.

Nova reprezentanto de esperanto en ALTE

HeKo 683 1-B, 27 jun 18

La transnacia stabo de Kultura Centro Esperantista riĉiĝis per nova kunlaborantino: c-ino Lorena Bellotti. Ŝi anstataŭos c-inon Elisabeth Amstad ekde la venonta aŭtuno kiel reprezentanto de KCE ĉe Asocio de Lingvotestistoj en Eŭropo.

Kvalita kontrolo en la domoj zorge de la regio

HeKo 682 9-C, 25 jun 18

Fondumo Pro Esperanto kiel regio enkondukis kvalitan kontrolon en 2011. Ekde 1 septembro 2018 responsos pri ĝi s-ino Beatriz Pérez, rekruto de la Civila Esperanta Servo, rezidanta en Svislando. Ŝia lingva preparo kompletiĝos en aŭgusto.

Ankaŭ esperanto meritus literaturan Nobelon

HeKo 682 8-B, 23 jun 18

“Delonge mi ne vidis tiel viglan debaton en PEN Internacia: vi ĵetis ŝtonegon en marĉon” diris al c-ano Giorgio Silfer unu el la partoprenintoj en la Asembleo de la PEN-Komitato pri tradukarto kaj lingvaj rajtoj, okazinta ĉi-vespere en Bielo (Svislando), ﬁne de la jara internacia konferenco. “Ŝajnis reveni al la studentaj tempoj” eĥis alia, tute kontenta.

Nia tradukarto vekis grandan intereson en PEN

HeKo 682 7-B, 22 jun 18

Laŭ peto de la prezidumo, prof. Giorgio Silfer moderigis la debaton pri la literatura tradukado en Eŭropo ĉe minoraj lingvoj, hodiaŭ posttagmeze en Bielo (Svislando) kadre de la internacia konferenco de la PEN-Komitato pri tradukarto kaj lingvaj rajtoj.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.