Amin Maalouf rezignis pri sia kandidateco al la ofico de internacia prezidanto de PEN-klubo. La franclingva mediteranea verkisto estis proponita de la Franca kaj de la Norvega centroj, kutime diverĝaj inter si.
Kiel jam anoncite, la fonda asembleo de la societo Esperanta Naturamikaro okazos ĉe notario en Malago (Hispanio) la 16an de novembro 2009.
Kiuj deziras pli da informoj, kaj kompreneble la naturamikoj konfirmontaj sian aliĝon, tiuj estas petataj sin turni al naturamik ĉe esperantio.net, la provizora retadreso de la fondota societo.
HeKo 406 4-C, 11 okt 09
Marcos Cramer esprimis publike ĉi tiun opinion: “la Esperanta Civito celas al firmigo de la nuna stato de Esperanto kiel lingvo de lingva malplimulto, kaj sekve kontraŭas nian celon de Esperanto kiel internacia lingvo por ĉiuj.”
Okaze de la Internacia Tago de la Esperanto-Biblioteko (koincide kun la 42a semajno de la jaro) la Vickonsulo pri kulturo kaj informado, Ljubomir Trifonĉovski, kaj la prezidantino de la loka Esperanto-societo “Sukceso”, Sneĵinka Angelova, vizitis la direktorinon de la regiona biblioteko en Vraco, Silvija Vrachovska.
“Hodiaŭ en Hungario eble ni tostos je la sano de la Pac-Nobela laŭreato per glaseto da abrikota brando” humuris budapeŝta amiko dum telefona interparolo ĉi-matene. Sciante ke abrikoto hungare estas Barack, mi pensis pri prezidento Obama.
“Mi bedaŭras se mi ofendis iun pro lia samseksemo; sed li ja restas ŝtelisto”: tiel pli-malpli estas resumebla la suba deklaro de c-ano Koffi Gbeglo, el la bulteno KomACE 38, ĵus dissendita.
Per vizito de gimnazianoj kaj ĉiĉeronado de la kuratoro Vanja Ĵeljazkova estis fermita la ekspozicio “Esperanto en Vraca pli ol centjara”, kiu unu monaton estis vizitebla en la regiona historia muzeo de Vraco.
La germanlingva verkistino Herta Müller gajnis la literaturan Nobelon 2009. Laŭ afabla permeso de la eldonejo kaj de la aŭtoro, ni reproduktas la finan parton de la eseo de Giorgio Silfer “Esperanto kiel transnacia arta esprimilo”, aperinta en “Literatura Foiro” n-ro 105 (junio-julio 1987), kun aparta mencio pri Herta Müller.
Itala Esperanto-Federacio ĵus eldonis itallingvan verkon de c-ano prof. Carlo Minnaja: “Le grandi personalità dell’Unesco: Lazzaro Ludovico Zamenhof”. Temas pri 300-paĝa antologio, kun du enkondukaj eseoj, trideko da tekstoj (inkluzive ĉiujn festparoladojn), kvin poeziaĵoj, plus apendice la manifestoj de Prago kaj de Raŭmo.
“Ĝis revido, Andy. Vi estas forstrekita.” Per tiu lakona mesaĝo el Roterdamo s-ro Andreas Künzli estis hodiaŭ forĵetita el la diskutlisto <uea-membroj>, kie li kutimis kritiki ĉiun kaj ĉion. Post la forstreko, li tiel protestis: “Mi protestas kontraŭ tiu cenzurado kaj anoncas eksiĝon el tiu grupo, same kiel mi konfirmas definitivan eksiĝon el UEA.
Preskaŭ samtempe du gravaj ŝtatoj celebris sian nacian feston, kiel rondan, sesdekjaran jubileon: Popola Ĉinio la 1an de oktobro, Federacia Respubliko Germanio la 3an de oktobro 2009. La Konsulo de la Esperanta Civito havis la okazon sekvi ambaŭ: la unuan per amasmediaj komunikiloj, la duan kiel oficiala invitito ĉe la germana reprezentejo en Milano.
En la aŭtuno de 1989 falis la Berlina muro. Tamen ĉi tio estis nur unu signo, kvankam la plej okultrafa kaj signifa. Fakte antaŭ dudek jaroj finiĝis “la tria mondmilito” — la malvarma milito, kaj la landoj de centra kaj orienta Eŭropo ekiris laŭ la vojo de radikalaj politikaj kaj ekonomiaj ŝanĝoj por ke nun ni konstatu, ke Eŭropo komplete ne estas la sama.
