Unua kahelo en la nova KCE-konferencejo
De post kiam (2009) la regio Pro Esperanto okupiĝas laŭkontrakte pri la flegado de la Esperanto-Domo posedata de Kultura Centro Esperantista, la konstruo konstante beliĝas kaj grandiĝas, danke al la restrukturado kaj rekvalitigado de kelkaj partoj.
Elektita la domo por Andaluzio
HeKo 450 8-C, 21 aug 10
La Konsilio de Fondumo Pro Esperanto, en ĉeesto de oficiala reprezentantino de Andaluzia Esperanto-Unuiĝo kaj de invititaj investantoj, unuanime aprobis la aĉeton de trietaĝa domo, konstruita nur antaŭ kelkaj jaroj en Malago.
Konstitucia amendo, ratifita, la Pakto solidas
HeKo 450 7-C, 20 aug 10
Duono de la paktintaj establoj ĉeestis, diversnivele, la ordinaran sesion de la Forumo de la Esperanta Civito hieraŭ en Landerono.
Du gravaj rezolucioj aprobitaj en Landerono
HeKo 450 6-C, 19 aug 10
La Senato de la Esperanta Civito prokrastis la finan diskuton kaj aprobon de la leĝopropono pri la reprezentaj donacoj, kaj konfidis al triopa komisiono (Martinelli kaj Trifonĉovski por la majoritato, Holevitch por la opozicioj) la taskon ellabori definitivan tekston, submetotan al la venonta senata sesio.
Lex Argentaria normigas la Civitan bankon
HeKo 450 5-C, 19 aug 10
La Senato de la Esperanta Civito aprobis hieraŭ en Landerono (kunsidante en salono de la admirinda mezepoka urbodomo) la leĝoproponon pri la Civita banko, registrita kiel “Lex Argentaria”. Sekve de tiu aprobo instaliĝas la unua Fonduma Konsilio, konsistanta el tri gecivitanoj: Pierre Berger, Marie-France Conde Rey, Giorgio Silfer.
Derks plendas pro la konduto de Buller
Johan Derks jam havis la okazon polemiki kun la burokrata aparato de Universala Esperanto-Asocio. Vidu la hazardon, tuj post unu el tiuj konfrontiĝoj kun la ĝenerala direktoro, Osmo Buller, li estis la plej fiaskinta kandidato al la UEA-Komitato, dum la pasinta printempo.
Studa tago pri la Deklaracio de Barcelono
La Universala Deklaracio pri la Lingvaj Rajtoj estis la ĉeftemo de la hieraŭa tago en la Kolokvo pri lingvopolitikoj okazanta ĉe la Esperanto-Domo en Ĉaŭdefono, per la organizo de KCE. La temon pritraktis unu el la kontribuintoj al la verkado de tiu deklaracio, d-ro Giorgio Silfer.
Revuo, ateliero, domo en la vivo de FEM
“La asembleo estis multe pli vigla ol mi esperis, kaj ĝiaj rezultoj tre kuraĝigaj” tiel komentarias sen. Marie-France Conde Rey, prezidanto de Feminisma Esperanta Movado, kiu havis sian jarkunvenon hodiaŭ ĉe la Esperanto-Domo en Ĉaŭdefono.
Gazzola inaŭguris la KCE-kolokvon
Michele Gazzola, asistanto de prof. François Grin ĉe la Ĝeneva universitato, estis la unua preleganto dum la Kolokvo pri lingvopolitikoj, inaŭgurita hieraŭ en Ĉaŭdefono, ĉe la Esperanto-Domo de KCE.
Buller kalumnias la Esperantan Civiton
HeKo 449 9-C, 16 aug 10
En la kutima skandalejo redaktata de Kalle Kniivilä, la ĝenerala direktoro de UEA, Osmo Buller, deklaris: “Spurojn de gejofobio oni plu trovas nur en eldonaĵoj de la Esperanta Civito, sed pro ties marĝeneco ili estas apenaŭ pli ol kuriozaĵo.”
La Kapitulo kunvenis en Svislando
HeKo 449 8-C, 15 aug 10
La Kapitulo de la Esperanta Civito kunsidis ĉi-semajnfine ĉe la Esperanto-Domo en Svislando, sub la prezido de la nuna Konsulo, sen. Giorgio Silfer. Partoprenis ĉiuj vickonsuloj, escepte de sen. Chamberline Nguefack, pro vizorifuzo fare de la francaj aŭtoritatoj, al kiuj ŝi sin turnis por la Ŝengena permeso.