Tri numeroj (inkluzive de duobla) dum ses monatoj: la organo de UEA sinkas en malfruon.
La hungara redaktoro elektita de prezidanto Mark Fettes (jam la dua post Stano Marĉek) estis ĵus parte delegitimita per lakona estrara komuniko:
La ĝenerala sekretario de Universala Esperanto-Asocio, Martin Schäffer, anoncis la esperon akiri tricent mil eŭrojn da subvencioj por 2017. Tia sumo situas en la aprobota UEA-buĝeto. Temus pri subvencioj unuafoje petotaj, do sen la fundamento de rutina ripetado.
Fajszi Amika Rondo anoncas ke la fonduma prezidanto, d-ro György Nanovfszky, estis operaciita la pasintan monaton. Ekde tiam li estas ofte dializata, kaj plu vivas inter hejmo kaj hospitalo. Lia farto, jam malbona antaŭe, nun malhelpas lin plenumi la prezidan oficon.
HeKo 619 1-C, 17 okt 16
Estas aparte bonvena la unua tago de la Internacia Semajno de la Esperanto-Biblioteko, ĉar en 2016 ĝi koincidas kun la Internacia Tago de la Verkistino. Unu estas la 42a semajno en la jaro, alia estas la unua lundo post la 15a de Oktobro.
HeKo 618 9-C, 17 okt 16
10) Kion vi proponas por Eŭropo?
Respondas la Verda Listo (Chamberline Nguefack Zedong n-ro 1; Giorgio Silfer n-ro 2):
La prioritato estas la Konsilio de Eŭropo, kompare kun Eŭropa Unio. La Konsilio okupiĝas pri homaj rajtoj kaj lingvopolitiko, kaj en ĝi membras ĉiuj eŭropaj ŝtatoj, inkluzive de Britio kaj Rusio.
La teksto de rezolucio aprobita ĉe Unesko pri la sanktaj lokoj en Jerusalemo kaŭzis profundan indignon en Israelo, tiom ke Tel-Avivo haltigis la rilatojn kun la UN-agentejo pri edukado, scienco kaj kulturo. La propono venis el sep islamaj landoj kaj titoliĝis “Okupita Palestino”.
La esperata emancipiĝo de Tutmonda Esperantista Junulara Organizo ŝajnas ne signifi diferenciĝon disde UEA laŭ organiza filozofio: tiurilate oni ne plu parolus pri “UEA en mallonga pantalono” (Tonkin, 1969) sed ankoraŭ pri “UEA en ŝorto”.
La provinca administracio de Malago invitis Esperantan Naturamikaron / Esperantistas Amigos de la Naturaleza partopreni en sia kampanjo kontraŭ la klimata ŝanĝo, oficiale lanĉita hodiaŭ en ĉeesto de dekoj da establoj. ENa estis reprezentata de sia membro Pedro Carrillo.
La asigno de la ĉi-jara literatura Nobel-premio al Bob Dylan donas tute novan perspektivon al la selektado de kandidatoj, pri kiuj estas referendumanta la abonantaro de “Literatura Foiro”.
Konsilio de Eŭropo rifuzis al lupatrineco la statuson de homa rajto. La praktiko luigi uteron por kompletigi la gravedecon (kun aŭ sen profita celo) estas tute laŭleĝa en eksa Sovetunio (ciril-alfabeta), Hindio, Sud-Afrika Respubliko kaj kelkaj ŝtatoj en Usono (inkluzive de Kalifornio kaj Teksaso), sed ne en la cetera mondo.
HeKo 618 3-C, 12 okt 16
Ekde oktobro 2016 estas luitaj kun konstanta kontrakto ĉiuj apartamentoj administrataj de la regio Pro Esperanto en Ĉaŭdefono: du en la Esperanto-Domo de KCE (plus aparta ĉambro en la Ripoza loĝejo), la Elfonesto de LF-koop kaj la Pegonesto de LF-koop por la Esperanta PEN.
