HeKo 729 9-C, 9 mar 20
La viruso origininta el Popola Ĉinio atingis interalie Eŭropon kaj plej infektis Lombardion kaj najbarajn provincojn, kie ekestis pli kaj pli severa sanitara kordono, eble kun ioma troigo de la aŭtoritatoj, kiuj tiel kvarantenigas sen lazareto milionojn da homoj, kvazaŭ Romo estus Pekino, en diktatura lando.
Per la organizado de c-ano Giuseppe Campolo en Sicilio, la “Konkursoj de Samideano” atingas sian sesan fojon. De jaro al jaro ilia famo pli kaj pli grandiĝis.
En 2020 enestos ankaŭ speciala premio por la poemo temanta pri sociala malkomforto kaj ĉia subpremo, kaj alia premio por la plej bela soneto. Krome la partoprenontoj ricevos libroforme la plenan verkaron de la konkurso.
La estraro de Tutmonda Esperantista Junulara Organizo elektis foran insuleton en la Pacifiko por organizi sian mondkongreson en 2021. Koreoj, japanoj kaj aliaj el la “flava areo” de la mondo probable ĝojas pro la elekto. Korea Esperanto-Junularo responsas pri la kongreso, kiu verŝajne estos pli azia ol tutmonda.
Fine de februaro en Meksiko la Internaciaj Organizoj proklamis la Jardekon de la Indiĝenaj Lingvoj. La eventon partoprenis ankaŭ la esperanta popolo, per oficiale invititaj reprezentantoj de la Esperanta Civito, al kies Pakto aliĝis ankaŭ Feminisma Esperanta Movado.
Roterdamo anoncis ke la individua membraro de la Universala Asocio malkreskis je 9,1% dum 2019: de 4.541 (en 2018) al 4.162 kotizintoj. La falon bremsis la donacado de 481 membrecoj, tra fondaĵo Canuto. Inkluzive de la aligitaj membroj, UEA regresis de 13.106 al 12.779 unuoj.
Kultura Centro Esperantista, ankaŭ komisie de la Esperanta Civito (vickonsulo pri kulturaj aferoj), honoros la memoron pri Hector Hodler (1887[1902]-1920), la esperanta frato de Edmond Privat, unu el la inspirintoj de la kulturcentro en Ĉaŭdefono.
Akurate kiel kutime, de kiam Kultura Centro Esperantista aĉetis ĝin Novjartage 2018, aperis la nova numero de “Heroldo de Esperanto”, lauvice la 2306a, marto 2020. Ĝi estas preskaŭ tute dediĉita al la aktiveco de KCE, precipe ties projektoj por la junularo.
HeKo 729 2-C, 3 mar 20
La establoj aliĝintaj al la Pakto elektas pere de siaj delegitoj ĉe la Forumo la membrojn de la arbitracia instanco de la Esperanta Civito, en 2021-22. Estas entute kvin kandidatoj por tri postenoj, kaj la Forumanoj rajtas esprimi maksimume du preferojn.
HeKo 729 1-C, 2 mar 20
Okaze de la inaŭgura parlamenta sesio, kunvokita jam 24 decembro 2019 al Budapeŝto por 20 marto 2020, la Senato diskutos laŭ la suba tagordo:
HeKo 728 9-C, 2 mar 20
Okaze de la inaŭgura parlamenta sesio, kunvokita jam 24 decembro 2019 al Budapeŝto por 20 marto 2020, la Forumo diskutos laŭ la suba tagordo:
HeKo 728 8-C, 1 mar 20
Ĉiu aranĝo okazos ĉe la orienta legacio de la Esperanta Civito, Thököly út 58-60, Budapest XIV.
matene senataj grupoj elektos siajn grupestrojn
15h30 Asembleo de Esperanta PEN-Centro (prezidas Tomasz Chmielik)
18h00 59a literatura kafejo (gastas Éva Tófalvy, organizas Fajszi Amika Rondo)
HeKo 728 7-C, 29 feb 20
La Lingva Komitato de Esperantio ricevis tri demandojn el la Kapitulo de la Esperanta Civito:
1) Ĉu la Lingva Komitato taksas necese, ke en la oficialaj dokumentoj de la Esperanta Civito oni uzu transgenran pronomon? 2) Se jes, ĉu oni kondutu laŭ la Lingvaj Respondoj 90 kaj 91 de Zamenhof aŭ oni adoptu neologismon? 3) Se adopti neologismon, ĉu ĝi estu “ri” aŭ alia?
