Heroldo Komunikas | Heroldo Komunikas

Naturamikoj kaj Civila Servo en Togolando

HeKo 588 9-B, 28 dec 15

La Naturamika Asocio de Togolando gastigis c-anon Giorgio Silfer, kiel reprezentanton de Esperanta Naturamikaro, dum dutaga vizito en Kpalimeo, unu el la plej gravaj urboj en la lando, sur la altebenaĵo lime kun Ganao.

Senatano Agbolo ricevis la purpuran balteon

HeKo 588 8-C, 26 dec 15

Per simpla ceremonio dum la lasta tago de la Afrika kongreso la unua Civita senatano el Togolando, Didier Apélété Agbolo elektita per la Ruĝa listo, transprenis oﬁciale sian rolon.

Esperantologia klerigo dum la Afrika kongreso

HeKo 588 6-B, 23 dec 15

Post tri Afrikaj Esperantologiaj Semajnoj (Lomeo 2005, Buĵumburo 2008 kaj 2011) kaj unu Esperantologia Semajnﬁno en Dakaro 2007, prof. Giorgio Silfer denove gvidis klerigajn studgrupojn en Afriko, ĉi-foje kadre de la okazanta 6a Afrika Kongreso de Esperanto.

La Vickonsulo festparoladis en la 6a Afrika kongreso

HeKo 588 5-C, 21 dec 15

La sesa Afrika Kongreso de Esperanto estis inaŭgurita hieraŭ matene en la vilaĝo Anyron, situanta proksime al la Zovla lago en Togolando. La vilaĝo estas ekonomie malriĉa, kiel multaj en tiu vasta kamparo, sed ĝi havas apartan karakterizon: ĝi donas eminentulojn al la lando.

Tensio kun UEA malferme al la Afrika kongreso

HeKo 588 4-A, 20 dec 15

“Estas insulta ke iuj eŭropanoj precipe ene de UEA sidas ie en Nederlando, Italujo ktp kaj diktas ordonojn kiuj nepre estos obeitaj, ni malakceptas tion. Iuj pensas erare ke ankoraŭ estas kolonia periodo de mastro kaj servanto, kiam oni praktikas <dividu kaj regu>.

Eklaboras KCE-komisiono pri afrika didaktiko

HeKo 588 3-B, 19 dec 15

C-anoj Mushosi Birindwa (Burundio), Koﬃ Doumegnon, Koﬃ Gbeglo (Togolando) kaj Giorgio Silfer (Eŭropo) kunsidis hodiaŭ en Lomeo pri la projekto de Kultura Centro Esperantista ellabori didaktikon pri esperanto pli konvenan por afrikanoj.

Sukcesa kongreso en la aŭtenta Afriko

HeKo 588 7-A, 25 dec 15

Per la aprobo de kvar rezolucioj ﬁniĝis hodiaŭ la 6a Afrika Kongreso de Esperanto en Togolando. La hieraŭa tago estis aparte festa, kaj pro riĉa folkloro kaj pro regalo hejme de la vilaĝestro.

Al la sukceso de aŭtenta kongreso en la aŭtenta Afriko kontribuis ankaŭ ekskursoj tra diversaj vilaĝoj, sur la spuroj de la togolanda historio, kaj la ĝenerale tre bona etoso.

Lingva Komitato pri saluta simbolo

HeKo 588 2-C, 18 dec 15

La aktisto de la Lingva Komitato de Esperantio, c-ano Mushosi Birindwa, dissendos morgaŭ al la Lingvaj Komitatanoj la cirkuleron pri la saluta simbolo, por ke ili sin esprimu pri ĝi, laŭ decido de la Civita Senato en Stokholmo, 26 junio 2015.

La ensemblo de La Vego por nova teatro

HeKo 588 1-B, 17 dec 15

Naskiĝis en Andaluzio nova teatra stabo ludanta en esperanto: la ensemblo de La Vego, laŭ la nomo de la strato kie situas la Esperanto-Domo en Malago.

Johano Strasser en la kovrilo de LF 278

HeKo 587 9-B, 16 dec 15

Daŭrigante sian prezenton de verkoj kie esperanto aŭ esperantisto rolas, ofte el gravaj aŭtoroj kiel Isabel Allende aŭ Paulo Coelho, “Literatura Foiro” dediĉas la kovrilon de la decembra numero 2016 al “Der Klang der Fanfare” (La sono de l” fanfaro), la unua romano de Johano Strasser, germanlingva verkisto naskita en Nederlando el internacia esperanta paro.

Koffi Gbeglo forlasas Universalan Esperanto-Asocion

HeKo 587 5-A, 12 dec 15

C-ano Koﬃ Gbeglo ĵus dissendis la suban deklaron, post kunsido de la landa asocio de UEA en Togolando, ĉe Institut Zamenhof en Lomeo:

Prezidanto Kiselman demisias de la Akademio

HeKo 587 8-A, 15 dec 15

Je noktomezo de la Zamenhofa tago 2015 prof. d-ro Christer Kiselman ĉesas esti membro de la Akademio de Esperanto, kaj konsekvence ĝia prezidanto.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.