Heroldo Komunikas | Heroldo Komunikas

Esperanta PEN eble decida en la mondkongreso

HeKo 582 5-B, 13 okt 15

Okdeko da literaturoj en la mondo, inkluzive de la esperanta, estas reprezentataj en la 81a PEN-mondkongreso, inaŭgurita hodiaŭ en Kebeko (Kanado) en ĉeesto de gravaj verkistoj. La ĉeftemo “Tradukado = Kreado = Libereco” donas la eblecon enfokusigi tradukarton ene de la mondliteraturo.

TEJO internacie pli agnoskita ol UEA

HeKo 582 4-A, 7 okt 15

Tutmonda Esperantista Junulara Organizo estis ĵus reelektita al la plenumorgano de Internacia Kunordiga Renkontiĝo de Junularaj Organizoj (ICMYO), kunordiga reto de internaciaj junularaj organizoj, kiujn UN nun konsideras kiel la voĉon de la junularo.

La Vickonsulo en la 6a Afrika Kongreso de Esperanto

HeKo 582 3-C, 5 okt 15

La Esperanta Civito oﬁciale aŭspicias la 6an Afrikan Kongreson de Esperanto en Togolando, 20-25 decembro 2015, kaj la Vickonsulo partoprenos ĝin laŭ invito de la organizantoj.

Ĉu la Akademio de Esperanto iĝos nederlanda societo?

HeKo 582 2-A, 1 okt 15

La estraro de la Akademio de Esperanto proponas ﬁksi la juran sidejon de la institucio en Nederlando, kio praktike egalas al ĝia transformo en institucion gravitantan en la UEA-sistemo.

En 2017 nova landa asocio de UEA en Iberio?

HeKo 581 1-A, 28 sep 15

Ĉu Kataluna Esperanto-Asocio ﬁne fariĝos landa asocio de UEA, post pli ol unu rifuzo el Roterdamo? Tio eblus, se post dek ok monatoj, do en 2017, la nova kataluna parlamento sukcesus proklami la sendependecon, kaj Unuiĝintaj Nacioj agnoskus la novan ŝtaton (ĉar UEA paŭsas sendiskute la decidojn de UN).

Partnerecoj kaj projektoj por Esperanta Naturamikaro

HeKo 580 9-B, 25 sep 15

Dum sia hieraŭa ordinara kunveno en la Esperanto-Domo de Andaluzio la Komitato de Esperanta Naturamikaro, sub la prezido de sen. Julio Herrero, analizis la situacion de la societo, post la NFI-mondkongreso kaj la renkonto de la junulara sekcio, ambaŭ okazintaj en Ĉeĥio, respektive en junio kaj septembro 2015.

LF-koop kaj FAR funebras pro Árpád Máthé

HeKo 580 8-B, 21 sep 15

Kooperativo de Literatura Foiro kaj Fajszi Amika Rondo kolektive, gec-anoj Perla Martinelli kaj Giorgio Silfer persone, funebras pro la forpaso de d-ro Árpád Máthé, okazinta en Budapeŝto 14 septembro 2015. D-ro Máthé estis la ﬁdela kaj valora peranto de “Literatura Foiro” en Hungario dum la jaroj 1970aj kaj 1980aj.

TEJO protagonisto de la dua kongresa numero de HdE

HeKo 580 7-B, 20 sep 15

Estas grandparte dediĉita al Tutmonda Esperantista Junulara Organizo la dua kongresa numero (2243, 10:2015) ĉi-jara de “Heroldo de Esperanto”.

Malkreskas la Internacia Tarifaro de LF-koop por 2016

HeKo 580 6-B, 19 sep 15

Kooperativo de Literatura Foiro malaltigas je preskaŭ 10% la Internacian abontarifon (IT) de siaj periodaĵoj por 2016, bazitan sur la svisa franko:

Konsekvence:
Literatura Foiro (6 numeroj): pasas de 54,00 CHF al 50,00 CHF
Heroldo de Esperanto (17 numeroj): pasas de 58,00 CHF al 53,00 CHF

Tio signifas relativan stabilecon en la eŭrolandoj:

UN ne rajtas inerti pri la rifuĝantoj

HeKo 580 5-C, 19 sep 15

La ondoj da rifuĝantoj el Proksima Oriento tra balkanaj landoj al Eŭropa Unio estas fenomeno de interkontinenta translokiĝo. Tial ĝi devas koncerni Unuiĝintajn Naciojn, nome la tutan internacian komunumon. Des pli se oni agnoskas al tiuj homoj (devenantaj precipe el Sirio, Afganio kaj Pakistano) la statuson de rifuĝantoj, kaj ne de fuĝantoj aŭ migrantoj.

Vinko Oŝlak gastis en literatura kafejo en Budapeŝto

HeKo 580 4-B, 18 sep 15

En la Landa Fremdlingva Biblioteko de Budapeŝto ĵus disvolviĝis sukcese la 26a literatura kafejo, organizita de Fajszi Amika Rondo sub la aŭspicio de Esperanta PEN-Centro.

En Kroatio Minnaja kaj Martinov pri nia literaturhistorio

HeKo 580 3-B, 13 sep 15

Hieraŭ disvolviĝis en vilaĝo Hraŝĉina (norda Kroatio) la 13a Renkontiĝo de esperantlingvaj verkistoj kaj tradukistoj: tre agrabla duontago, en bieno Njegus, familia posedaĵo de verkistino Spomenka Ŝtimec, kun tagmeza pikniko kaj dumpaŭza manĝo de dolĉaĵoj. Suno kaj sennuba ĉielo akompanis dum la tuta tempo.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.