Heroldo Komunikas | Heroldo Komunikas

Naturamika Junularo kantis en esperanto

HeKo 580 1-B, 6 sep 15

Unuan fojon Esperanta Naturamikaro estis reprezentata, pere de sia membro Danilo Ratti el Kanariaj Insuloj, en kunveno de Internacia Junularo de la Naturamikoj, ĉi-semajnﬁne en Prago. La okazon donis festa evento: la kvardeka datreveno de tiu junulara sekcio, kiu (male al TEJO rilate UEAn) estas de ĉiam sendependa kaj eĉ havas propran centralon en Ĉeĥio, dum NFI situas en Vieno.

Kvara proceso gajnita

HeKo 579 9-C, 3 sep 15

Hieraŭ la Civila Tribunalo verdiktis favore al Kooperativo de Literatura Foiro en la proceso kiun la regio FONCIA en Neŭŝatelo postulis kontraŭ ĝi, pro pretendata pago de kelkcento da frankoj rilate al elspezoj ĉe la nemoveblaĵo La Elfonesto (proprieto de la kooperativo). LF-koop demonstris sian solventecon kaj FONCIA estis kondamnita pagi la elspezojn.

La UK-numero 2015 de Heroldo

HeKo 579 8-B, 1 sep 15

La Universala Kongreso en Lillo ricevas detalan pritrakton en HdE 2242 (9:2015), danke al la artikoloj kaj fotoj de gec-anoj Anna Bartek, André Cherpillod kaj Giorgio Silfer. Ĝi aperis praktike samtempe kun la organo de UEA mem.

"Femina" 38 kun kovropaĝo pri FEMEN

HeKo 579 7-B, 31 aug 15

Kiam la redakcio de “Femina” sendigis al siaj legantoj la printempan numeron 37, ĝi esperis ke la sanproblemoj de la ĉefredaktoro estis ﬁne solvitaj kaj la revuo povos repreni sian normalan ritmon. Tio bedaŭrinde ne okazis, kaj la somera numero de 2014, jam preskaŭ preta antaŭ longe, povis esti kompletigita nur en la lasta monato.

Renovigitaj lokaloj de KCE

HeKo 579 6-B, 30 aug 15

Danke al la kontrakto inter KCE kaj Fondumo Pro Esperanto kiel regio de nemoveblaĵoj apartenantaj al paktintaj establoj, la teretaĝo de la Esperanto-Domo en Ĉaŭdefono (ﬂanko de la kursoĉambroj) estis ĵus renovigita.

Jam represenda "Historio de la esperanta literaturo"

HeKo 579 5-B, 29 aug 15

La unua eldono de “Historio de la esperanta literaturo”, kunverkita de c-anoj Carlo Minnaja kaj Giorgio Silfer, elĉerpiĝis en nur ses semajnoj. Sesdeko da ekzempleroj estus jam necesaj por kontentigi la atendantajn klientojn, el kiuj duono estas kreita de dumildolara subvencio ĵus promesita de Esperantic Studies Foundation tra Centro de Esploro kaj Dokumentado.

KCE ree havas kvinopan Komitaton

HeKo 579 4-B, 27 aug 15

La Komitato de Kultura Centro Esperantista kunvenis hieraŭ vespere en la Esperanto-Domo de Svislando, sub la prezido de c-ano Giorgio Silfer.

Sukcesa prezento en la itala kongreso

HeKo 579 3-B, 24 aug 15

Tre sukcesa estis la prezento de “Historio de la esperanta literaturo” fare de c-ano Carlo Minnaja dum la itala kongreso en San Benedetto del Tronto. Unu plenhora ero estis dedichita al tio (aliaj libroprezentoj ricevis nur duonhoran tempon).

Intensiva kurso kun lingvotestado en KCE

HeKo 579 2-B, 18 aug 15

Ĉi-semajne disvolviĝas en Kultura Centro Esperantista intensiva esperanto-kurso, gvidata de c-ano Giorgio Silfer. “Kiel apogon mi uzas la Ekzercaron de la Fundamento, ĉar ĝi utilas por tuj percepti la facilecon de la lingvo kaj ebligas daŭrigon ankaŭ memlerne” diras prof. Silfer.

"Literatura Foiro" 276 pri J. R. R. Tolkien

HeKo 579 1-B, 15 aug 15

La akurate eldonita numero 276 de “Literatura Foiro” (aŭgusto 2015) dediĉas la kovropaĝon al John Ronald Reuel Tolkien: kvankam la aŭtoro de “La Mastro de la Ringoj” neniam uzis esperanton aŭ kreis apartan ﬁguron de esperantisto en sia verkaro, lia sinteno favora al nia lingvo kondukis al interesa eseo “Filologo pri esperanto” (1932), analoge al la elzeviro de Endre Ady (1906).

Heroldo 2241 pri evolua kunlaboro

HeKo 578 9-B, 12 aug 15

Tre interesa paĝego pri “Esperantio kaj evolua kunlaboro: jen averse jen reverse” en “Heroldo de Esperanto” n-ro 2241 (8:2015), zorge de Ulrich Matthias kaj Giorgio Silfer.

Tago de la Pakto: la tempo laboras por ni

HeKo 578 8-C, 10 aug 15

Enirante hodiaŭ sian dekokan jaron de ekzisto, la Pakto por la Esperanta Civito karakteriziĝas kiel tre stabila dokumento: dum dek sep jaroj fakte ĝi ricevis nur unu modifon, en 2008, ĝuste jardekon post la lanĉo de la Pakto.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.