Heroldo Komunikas | Heroldo Komunikas

Granda administra subvencio por TEJO

HeKo 681 4-A, 7 jun 18

La vicprezidanto de Tutmonda Esperantista Junulara Organizo, d-ro Francesco Maurelli, ĵus anoncis ke TEJO ricevos grandan administran subvencion dum tri jaroj, fare de instanco en Eŭropa Unio. Temas pri ĉ. 45.000 eŭroj, per kiuj eblos dungi tri plentempajn oﬁcistojn jare (kontraŭ unu kaj duono ĝis nun).

La angla malpermesata kiel ekskluziva instrulingvo

HeKo 681 3-A, 6 jun 18

Instrui nur anglalingve en itala universitato “ekstermetus plene kaj senjuĝe la oﬁcialan lingvon de la Respubliko el la akademia studado de tutaj fakoj” kaj “altrudus, antaŭkondiĉe al la kursaliro, la posedon de alia lingvo ol la itala, tiel malhelpante, en malesto de adekvataj trejnaj subtenoj, al tiuj kiuj, kvankam kapablaj kaj meritaj, ne scipovas ĝin, atingi la plej alt

Pretas la junia numero (2285) de Heroldo

HeKo 681 2-B, 5 jun 18

Jam arkivebla estas la unua duono de la jarkolekto 2018 de “Heroldo de Esperanto”, zorge de KCE, dum ankoraŭ mankas pli ol duono de la jarkolekto 2017, pri kiu devas zorgi Lexus ĉe siaj klientoj.

Feminisma Esperanta Movado asembleos en Svislando

HeKo 681 1-B, 4 jun 18

La ordinara Asembleo de Feminisma Esperanta Movado estas kunvokita al Ĉaŭdefono, ĉe la Esperanto-Domo en Svislando, por la 13a de julio 2018.

Poliglote apogi sin sur la esperanto-mondo

HeKo 680 9-B, 3 jun 18

Finiĝas hodiaŭ en Bratislavo la 5a Polyglot Gathering, kurioza kaj interesa festivalo de homoj parolantaj plurajn lingvojn, kun partopreno de sescento da personoj, el kiuj ĉirkaŭ kvarono iagrade scipovas ankaŭ esperanton.

Tago de la Esperanta Lingvo 2018

HeKo 680 8-C, 2 jun 18

Kiel fartas niaj lingvaj institucioj okaze de la cent-tridekunua datreveno de la Unua Libro? Malbone, se juĝi laŭ la retpaĝoj de la du UEA-dependaj akademioj. La novaĵoj de la Akademio de Esperanto haltas je decembro 2014, sed almenaŭ la membrolisto ŝajnas ĝisdatita.

Slavaj influoj al esperanto, en la kongreso de Slava Unio

HeKo 680 7-C, 31 maj 18

Slava Unio invitis la Konsulon de la Esperanta Civito prelegi ĉe sia dua konferenco, okazanta en du najbaraj urboj de Moravio, same kiel pasintjare. La aranĝo okazas teorie en tri lingvoj, el kiuj du ne estas etnaj: esperanto kaj la interslava; sed efektive preskaŭ ĉiuj parolas la propran slavan idiomon.

Renkonto kun intelektuloj en Bratislavo

HeKo 680 6-B, 30 maj 18

“Amaso da tre interesaj faktoj pri kiuj ni ne sciis” estis la ĝenerala komentario post la hodiaŭa renkonto de slovakaj intelektuloj kun c-ano Giorgio Silfer, ene de la ĉefa biblioteko en Bratislavo. Nian verkiston intervjuis publike lia kolego Gustáv Murin, prezidinto de la slovaka PEN-centro.

Esperanta PEN rezolucias por nova Nobel-strategio

HeKo 680 5-B, 29 maj 18

Estas pli kaj pli granda la prestiĝo de la Esperanto-centro, kaj konsekvence de la esperanta literaturo, ene de la plej grava verkistara organizo en la mondo.

Du eventoj en Alta Italio, printempe 2019

HeKo 680 4-B, 27 maj 18

Kiel jam anoncite, la kvindeka datreveno de la fondo de la literatura rondo “La Patrolo” estos festata en Bolonjo, 12 majo 2019. La jubileo artikiĝos surloke en tri aranĝoj: vespera bankedo, ronda tablo ĉe la esperanto-grupo “Achille Tellini” sabaton posttagmeze, prelego por itallingva publiko en neesperantista sidejo sabaton matene.

Co-NGO ne estas rivero en Afriko

HeKo 680 3-C, 25 maj 18

Pere de sia ĝenerala sekretario, Giorgio Pagano, Esperanto Radikala Asocio proponis al la Esperanta Civito en printempo 2017 subskribi akordan protokolon por kunlabori kun ERA ĉe UN. La Kapitulo, tiam prezidata de Chamberline Nguefack, akceptis la proponon kaj komisiis la Vickonsulon konkretigi la akordon.

Heroldo publikigos la historion de TEJO

HeKo 680 2-B, 24 maj 18

Koncizan historion de Tutmonda Esperantista Junulara Organizo publikigos “Heroldo de Esperanto” (eldonata de Kultura Centro Esperantista en Svislando) okaze de la 80-jariĝo de TEJO, ĉi-somere. La aŭtoro estas prof. Giorgio Silfer.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.