La unua Junulara E-Semajno (kombino de la tradicia Internacia Seminario en Germanio kaj de la ĉi-jarcenta AS en Pollando) pasis en Zakopane ĉe la jarŝanĝo. Laŭ la atesto de Johannes Müller, temis pri duone plena glaso. Sur unu pesiltaso kuŝas pozitivaj rimarkoj, sur alia negativaj.
HeKo 417 5-C, 10 jan 10
La agendo de la oficiala vizito en Burundio de la Vickonsulo de la Esperanta Civito, sen. Marie-France Conde Rey, registris dum la lastaj tagoj tre gravajn rendevuojn kun la aŭtoritatoj.
Pozitiva saldo de la spezkalkulo 2009 de Kultura Centro Esperantista, malgraŭ la negativa efiko de la ekonomia krizo, sentebla ankaŭ en Svislando. Tio kaŭzis ŝanĝon en la strukturo de la enspezado, kompare kun 2008.
Estimataj!
La 14an de decembro 2009 okazis en Bjalistoko kunsido de la Komitato de Fondumo Zamenhof. Prof. Hanna Konopka, kiu ekde decembro 1995 gvidis unue la Estraron (1995-99) kaj poste la Komitaton (1999-2009) de la fondumo, reprezentante la Universitaton en Bjalistoko, pro sia foriro el la Universitato demisiis el la funkcio de prezidantino de la Komitato.
HeKo 417 2-C, 8 jan 10
26 decembro 2009 en Sofio, je aĝo de 89 jaroj, forpasis c-ano Dimitar Haĝiev.
La lerneja komplekso “Anna Paolizzi” estis konstruita en Kinŝaso danke al la bonkoreco de itala mecenato, kiu tiel volis honori la nomon de sia mortinta edzino. Temas pri moderna lernejo kiu, laŭ la lokaj cirkonstancoj, aspektas eĉ lukse.
HeKo 416 9-C, 7 jan 10
Sen. Marie-France Conde Rey, Vickonsulo de la Esperanta Civito, kiel profesia instruistino dediĉos du tutajn tagojn de sia restado en Burundio al lingva seminario. La iniciato estas subtenata de la esperanto-fako de la Societo Internacia por la Paco Universala, kiu membras en la Pakto.
Estas prespreta la unua numero de “Homarane”, kajero pri socio, filozofio, religio: la kvara periodaĵo de LF-koop, kiu per ĝi fortigas sian jam unuan postenon en la klasifiko de la eldonejoj.
De kunfrotado al konfrontado inter la du esperantistaj partietoj Eŭropo-Demokratio-Esperanto kaj Unu-Mondo. La sulko estis jam videbla okaze de la renkonto en Strasburgo meze de oktobro 2009, sed ĝi profundiĝis en Sarlando dum debatoj en la Novjara Renkontiĝo.
Łukasz Żebrowski, TEJO-estrarano, riskas ĝis du jaroj en prizono pro la surhavo de kamizolo kun la portreto de Zamenhof kamuflita kiel “Che” Guevara. Tiun punon fakte riskas ĉiu persono en Pollando, se li surhavas komunisman simbolon, ekde Novjartago 2010.
HeKo 416 5-C, 6 jan 10
Komenco bona, ĉio bona: la proverbo povas resumi la unuajn tagojn en Burundio de sen. Marie-France Conde Rey, Vickonsulo de la Esperanta Civito. La akceptado estas tre varmkora ĉie: la afrika Esperantio estas tre malfermita, kaj la lingva nivelo pli ol kontentiga, eĉ se ne jam modela kiel, ekzemple, en Togolando.
La plej grava konsulta instanco de Kultura Centro Esperantista, nome la Kultura Konsilio, konsistas el la reprezentantoj de la esperanto-societoj kun sidejo (ankaŭ) en Svislando kaj el kelkaj esperantologoj elektitaj de la suverena instanco, nome la Asembleo.
