La delegito de la esperanto-literaturo, c-ano Giorgio Silfer, ne partoprenis en la ĵusaj elektoj por la prezido de la Pac-Komitato de PEN Internacia, car li rimarkis kvar malregulaĵojn en la proceduro, kiuj malvalidigus la rezulton.
HeKo 787 9-C, 18 maj 22
Iom post iom la norda legacio de la Esperanta Civito kreskigas la esperanto-fakon en la publika biblioteko de sia gastiganto, Solidardomo en Stokholmo. La libroj havas plejparte socipolitikan enhavon: ili eniras oficialan katalogon kaj estas prunteblaj pere de ĉiuj publikaj bibliotekoj en Svedio. Do ne temas pri librotombejo.
Estas pretaj la programoj de tri katedroj en la Esplora Instituto de Esperantologio. La katedrojn gvidos gec-anoj Giorgio Silfer — literaturo, Alessio Giordano — (plan)lingvistiko, Marie-France Conde Rey — instrumetodiko. Proponita kiel rektoro estas c-ino Lorena Bellotti.
D-ino Perla Martinelli elektis la tekston super kiu laboros la eksperimenta staĝo pri tradukarto, en Kultura Cetro Esperantista, 2-7 aŭgusto 22. Surprize, sed je plena konsento de la staĝanoj, temas pri prozaĵo el la latina lingvo, tamen tradukita jam al la ĉefaj idiomoj en la mondo: la raporto de Plinio la juna pri la erupcio de Vezuvo.
Rusia Esperantista Unio respondis (26 aprilo 2022) per tri alineoj al la demando de la estraro de la Universala pri la sinteno de la landa asocio rilate la militon en Ukrajno. La estraro de REU konsistas el kvin personoj: Aleksandr Lebedev, prezidanto; Svetlana Smetanina kaj Nikolao Gudskov, vicprezidantoj; Irina Gonĉarova kaj Aleksandr Mitin, membroj.
“KCE taksas la rezulton tute bona kaj impresa, eĉ por helpi en la solvo de interkulturaj demandoj. Ekzemple, la enkonduko de “gestures” (p. 16): tre grava, ĉar samaj gestoj ne signifas same en alia socio. Aŭ la eblo uzi vehiklan lingvon (p. 13). Kongrue al la praktikaj celoj de LLAT, mi konsentas eviti miskompreneblajn neologismojn kiel “translanguaging”.
Kiel antaŭvidite, la Eŭropuniaj institucioj ekfermas la kranon: duono de la financataj junularaj organizoj ne ricevos administran subvencion por 2022: inter ili situas la junulara sekcio de UEA.
La milito en Ukrajno lasas spuron en la junia numero (317) de “Literatura Foiro”, kaj finance kaj enhave: la preso en Bulgario kostas al LF-koop 30% pli ol kutime, la unuaj paĝoj estas dediĉitaj al la temo. Ekas la traduko de fama lulkanto pri milito, fare de Giorgio Silfer el la roma dialekto de Trilussa.
En la Tanganika Esperanto-Domo ekas hodiaŭ la tutsemajna staĝo pri didaktika perfektigo, sub la gvido de c-ino Marie-France Conde Rey, kun la subteno de Afrika Esperanto-Instituto kaj Kultura Centro Esperantista.
HeKo 787 2-C, 1 maj 22
Okaze de la Unua de Majo indas memori ke, en la Esperanta Civito, la kontraktoj kun la stabanoj reguliĝas konforme al dekreto Karibe (16 septembro 2020). La dekreto tamen ne normigas la kalendaron, kiu aparte gravas por la buralistoj kaj la deĵorantoj en misio. Kun ĉi tiuj la vickonsuloj pri financoj kaj internaj aferoj baldaŭ konsultiĝos por fiksi tiun normon.
Tria vizito de sen. Marie-France Conde Rey en Afriko. La emerita Konsulino gvidas staĝon pri metodiko de la esperanto-instruado al deko da aktivuloj ĉe la Tanganika Esperanto-Domo en Buĵumburo, 2-7 majo 2022. Organizas Afrika Esperanto-Instituto kaj sponsoras Kultura Centro Esperantista.
HeKo 786 9-C, 27 apr 22
La Kapitulo de la Esperanta Civito kunsidis telematike en pleno hodiaŭ, sub la prezido de la Konsulo, sen. Riichi Karibe. Konciza raporto pri la geopolitika situacio konstatis ke la rezolucio de la Senato pri la milito en Ukrajno estas la sola unuanime aprobita en Esperantio (la ideologie proksima de la Junulara ricevis nur plimultan subtenon de la TEJO-Komitato).
