De kunfrotado al konfrontado inter la du esperantistaj partietoj Eŭropo-Demokratio-Esperanto kaj Unu-Mondo. La sulko estis jam videbla okaze de la renkonto en Strasburgo meze de oktobro 2009, sed ĝi profundiĝis en Sarlando dum debatoj en la Novjara Renkontiĝo.
Łukasz Żebrowski, TEJO-estrarano, riskas ĝis du jaroj en prizono pro la surhavo de kamizolo kun la portreto de Zamenhof kamuflita kiel “Che” Guevara. Tiun punon fakte riskas ĉiu persono en Pollando, se li surhavas komunisman simbolon, ekde Novjartago 2010.
HeKo 416 5-C, 6 jan 10
Komenco bona, ĉio bona: la proverbo povas resumi la unuajn tagojn en Burundio de sen. Marie-France Conde Rey, Vickonsulo de la Esperanta Civito. La akceptado estas tre varmkora ĉie: la afrika Esperantio estas tre malfermita, kaj la lingva nivelo pli ol kontentiga, eĉ se ne jam modela kiel, ekzemple, en Togolando.
La plej grava konsulta instanco de Kultura Centro Esperantista, nome la Kultura Konsilio, konsistas el la reprezentantoj de la esperanto-societoj kun sidejo (ankaŭ) en Svislando kaj el kelkaj esperantologoj elektitaj de la suverena instanco, nome la Asembleo.
La skandalgazeto “Libera Folio” anoncis al la mondo ion, kio estis al ni konata jam de la pasinta oktobro; sed kiam temas pri skandaloj, HeKo volonte lasas la prioritaton al alies voĉtubo, kies alvokiĝo estas skandalisma.
HeKo 416 2-C, 5 jan 10
Sen. Marie-France Conde Rey, Vickonsulo de la Esperanta Civito, pasigas tutan diurnon en la Makamba-provinco, kie ŝi vizitas la lokon destinitan al la konstruota Civito de Paco, apud la Tanganika lago. Makambo estas la plej suda provinco de Burundio.
C-ano André Cherpillod, lingva komitatano de Esperantio, lasas la Akademion de Esperanto: li komunikis sian intencon ne rekandidatiĝi fine de sia nuna mandato. Li restas en la Lingva Komitato.
Male, alia lingva komitatano ankaŭ akademiano, c-ano Carlo Minnaja, decidis rekandidatiĝi por la akademianeco.
Esperanto-Radikala Asocio (fondita de la karmemora Giordano Falzoni) anoncas kunlaboron kun FAO (la UN-organizo por Nutraĵoj kaj Agrikulturo) por la defendo de la indiĝenaj lingvoj. Tiu kunlaboro specife rilatas al la france parolanta Afriko.
HeKo 415 8-C, 4 jan 10
Kadre de la oficiala programo de Internacia Festivalo en Ulmo (Germanio), jarfine sen. Dieter Rooke prelegis pri la originoj de la Esperanta Civito. La prelegon ĉeestis nur kelkaj personoj, precipe pro la samtempa okazigo de aliaj studrondoj, tamen la preleginto taksas ĝin sukcesa.
HeKo 415 7-C, 3 jan 10
Hodiaŭ posttagmeze la Vickonsulo de la Esperanta Civito, sen. Marie-France Conde Rey, atingis Buĵumburon, por oficiala vizito en Burundio. La Vickonsulon atendis ĉe la flughaveno delegacio de la paktinta establo SIPU, gvidata de c-anoj Frederiko Nimubona kaj Marteno Mbazumutima.
La du kulturaj esperantaj centroj en Francio[, Kastelo Greziljono kaj La Kvinpetalo,] travivas grandajn malfacilaĵojn. De kelkaj jaroj, ili frontas almenaŭ similan problemon: malkresko de la partoprenantoj en la staĝoj. Konsekvence, krom ĉiama almozpetado, ili ne plu povas efike prizorgi siajn bienojn.
La HeKomuniko 415 1-B, 31 dec 09 postulas klaran respondon pri diversaj punktoj.
