“La plej granda problemo en Eŭropo hodiaŭ ne estas la demokratia deficito. Neniam estis tiom da diskutado kaj balotado pri la Unio. Eŭropa politiko fariĝis enlanda politiko. La plej granda problemo estas deficito de konvinko. Eŭropo ne povas pli longe esti neeviteblaĵo aŭ fatalaĵo, ĝi devas esti pozitiva projekto.

Se de kelkaj jaroj (almenaŭ ekster Francio) la esperantistaro alkutimiĝis al la perspektivo de Esperantio sen “laborista movado”, pli ĝenerale profiliĝas nun la perspektivo de Esperantio sen UEA kaj/aŭ landaj asocioj.

D-ro György Nanovfszky estis nomumita hieraŭ kiel honora membro de Universala Esperanto-Asocio, laŭ propono de Hungaria Esperanto-Asocio, insiste ripetita dum la lastaj jaroj. La nomumo estas signifa agnosko pri la prezidinto de HEA, kiu interalie enketigis pro malversacio eksan internan funkciulon (la fiska enketo tamen haltis sen plua procedo).

Je plena ritmo estas funkciantaj ekde ĉi tiu semajno ĉiuj nemoveblaĵoj administrataj de Fondumo Pro Esperanto kiel regio. La Esperanto-Domoj en Svislando kaj Andaluzio estas plenaj de luantoj (plejparte el Pollando), kaj ankaŭ la apartamento posedata de LF-koop en Ĉaŭdefono. Ili restos en tioma okupiteco, kun neniu ĉambro vaka, almenaŭ ĝis la aŭtuno.

Ekde 2013 eblos demokratia baloto por la estraro de Universala Esperanto-Asocio. Tion decidis, preskaŭ unuanime, la komitato de UEA en sia unua kunveno dum la nuna Universala Kongreso en Hanojo.

“Feminismo trans ikonoj kaj simboloj” titolas apud bela fuksio la kovrilo de “Femina” n-ro 30, somero 2012, kiu prezentas tre interesan enhavon, danke al c-ino Perla Martinelli, ĉefredaktoro, kaj ŝiaj gekunlaborantoj.

Laŭ oficiala komuniko, lastatempe la Akademio de Esperanto, pli precize ĝia Gramatika Sekcio, ŝajnas eviteme prokrasti decidon pri la uzo de adjektivo aŭ adverbo en predikativa pozicio, per rekomendo kaŭzanta miskomprenojn.

Hieraŭ la elekta komisiono de Universala Esperanto-Asocio (konsistanta el d-ro Ulrich Lins, Nico Huurman, Lee Jung-kee) publikigis la suban raporton al la UEA-Komitato:

Al la tria Ateliero organizita de Feminisma Esperanta Movado el ses landoj (Francio, Germanio, Hispanio, Hungario, Italio, Popola Ĉinio) alvenis la studemuloj, inter ili tri fondintoj de la rondo de La Kompaso (2009): c-inoj Marie-France Conde Rey, Judit Felszeghy kaj Anna Bartek.

En dato 14 junio 1999 la fondumo Gastejo Edmond Privat (GEP) vendis al Kultura Centro Esperantista sian lastan domon, nomitan Domo Ernest Naville (nuntempe: Esperanto-Domo). Unuafoje KCE, tiam prezidata de David Buhlmann, fariĝis proprietulo de nemoveblaĵo.

La Konsilio de Fondumo Pro Esperanto (FPEF) kunvenis hieraŭ ĉe la Esperanto-Domo en Svislando, sub la prezido de sen. Marie-France Conde Rey. La kunvenon partoprenis unuafoje la nova membro, c-ano Carmine Dello Spedale, iama estro de la sektoro pri administrado de nemoveblaĵoj en posedo de itala nacia banko.

En la hieraŭa tago, fine de la interlingvistika konferenco en Pala, sen. Giorgio Silfer estis honorita per la diplomo “Academicus Ariste” pro interlingvistikaj meritoj, ĝis nun asignita al dek unu kleruloj fare de la Internacia Asocio de Interlingvistiko (IAI), prezidata de prof. d-ro Aleksander Duliĉenko en Estonio.