Heroldo Komunikas | Heroldo Komunikas

ILEI ne respektas la akordon kun TEJO pri Afriko

HeKo 610 9-A, 24 aug 16

Laŭ atesto de la prezidinto de TEJO, Łukasz Żebrowski, en publika komuniko al la TEJO-Komitato (15 majo 2016), Internacia Junulara Kongreso en Afriko estus kuplita al la paralela okazigo de ILEI-kongreso. La preciza celo estas: “Kunlabore kun ILEI okazigi kongresojn de TEJO kaj ILEI en Afriko en 2017”.

Dua kongresa numero de Heroldo en 2016

HeKo 610 8-B, 23 aug 16

Akurate pretas la dua kongresa numero de “Heroldo de Esperanto” (2261, aŭ 11:2016), kiu kovras la eventojn en Esperantio ĝis 21 aŭgusto 2016. En sia dua kaj kvara paĝoj ĝi kompletigas la informojn pri la 101a Universala Kongreso, dum la tria paĝo estas dediĉita precipe al la unua ARTE — Arta Renkonto Transnacia en Esperanto.

Granda malkvieto pro la sorto de la UEA-organo

HeKo 610 7-A, 22 aug 16

Granda malkvieto pro la sorto de la UEA-organo, post la eksiĝo de Fabrício Valle. La hungara redaktoro elektita de la estraro de UEA ﬁne de februaro 2016 en ses monatoj produktis nur du numerojn, el kiuj la unua (maja) aperis meze de junio, kaj la dua (junia) nur ﬁne de aŭgusto.

Detlev Blanke, la lasta "pura kaj dura" kamarado

HeKo 610 6-A, 21 aug 16

D-ro Detlev Blanke subite forpasis hieraŭ en Berlino, 75-jaraĝa. Li lasas vidvinon kaj orﬁnon, al kiuj iras nia kondolenco.

La Esperanta Civito por la Zamenhofa Jaro

HeKo 610 5-C, 20 aug 16

La Esperanta Civito pretas aŭspicii kaj subteni (laŭ la federisme subsidua principo) iniciatojn de la paktintaj establoj, okaze de la centa datreveno de la forpaso de Lazaro Ludoviko Zamenhof. La iniciatoj havu aktualigan pli ol ceremoniecan karakteron, kaj enfokusiĝu al la idealoj de Zamenhof pli ol la lingvo mem.

La Komitato de KCE kunvenos monatfine

HeKo 610 4-B, 19 aug 16

La Komitato de Kultura Centro Esperantista estas kunvokita al ordinara kunveno dimanĉon 28 aŭgusto 2016 je 14h30 ĉe la Esperanto-Domo de Svislando. Kvar el la kvin gekomitatanoj jam konﬁrmis sian ĉeeston.

Kiu perdigas subvenciojn al TEJO? Buller akuzita

HeKo 610 3-A, 18 aug 16

Kongresa numero de Heroldo 2016

HeKo 610 2-B, 17 aug 16

La numero de “Heroldo de Esperanto” pri la Universala Kongreso ĵus ﬁnita en Slovakio jam survojas al la abonantaro, en maksimuma akurateco. Ĝi estas la deka en la jarkolekto kaj la 2260a ekde la fondo.

Turkio neniam eniros Eŭropan Union

HeKo 610 1-E, 15 aug 16

La eventoj en Turkio, lige kun la ﬁaskinta ŝtatrenverso de la pasinta monato, inﬂuas la sintenon de Turkio al okcidento kaj de Eŭropa Unio al Turkio. Tion konkludis la hodiaŭa seminario kun prof. Zeki Ergas en Ĉaŭdefono ĉe la Esperanto-Domo, ankaŭ kun skajpa partopreno de eksterlande.

Tre malfacila momento por Fettes kaj Mandirola

HeKo 609 9-A, 14 aug 16

Tre malfacila momento por la estraroj de UEA kaj TEJO, precipe por la respektivaj prezidantoj, Mark Fettes kaj Michael Boris Mandirola. Ili ambaŭ devas fronti gravajn limdatojn, aldone kun kreskantaj internaj opozicioj.

"Heroldo de Esperanto" ree akuratas

HeKo 609 8-B, 13 aug 16

Estas ﬁnredaktata la numero 2260 (10:2016) de “Heroldo de Esperanto”, raportanta pri la Universala Kongreso en Slovakio. Samtempe survojas al la abonantaro la antaŭaj numeroj.

Konsultado pri la balkana kaj levantena areoj

HeKo 609 7-C, 12 aug 16

La Kapitulo de la Esperanta Civito estas kunvokita al geopolitika konsultado pri la balkana kaj levantena areoj, okazonta lundon la 15an de aŭgusto 2016, posttagmeze, ĉe la Esperanto-Domo en Svislando. Prof. Zeki Ergas, membro de la Esperanta PEN kaj ekstera konsilisto de la Orienta Legacio, gvidos la konsultadon.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.