HeKo 610 4-B, 19 aug 16
La Komitato de Kultura Centro Esperantista estas kunvokita al ordinara kunveno dimanĉon 28 aŭgusto 2016 je 14h30 ĉe la Esperanto-Domo de Svislando. Kvar el la kvin gekomitatanoj jam konfirmis sian ĉeeston.
En la tagordo estos la raportoj de la prezidanto pri la lasta aktiveco kaj de la regio pri la domflegado, la situacio de la luigoj kaj la programo por la venonta jaro, kiu inkluzivas la lingvan kolokvon dum Pasko kaj la duan ARTE en somero.
Estos formale decidita ankaŭ la dato de la venontjara Asembleo de KCE, kaj neformale oni parolos pri la nova Komitato, elektota komence de 2018.
Aldonu komenton