Esperanta Naturamikaro informas ke ĝiaj korespondadresoj estas: poŝte — Apartado de Correos 20054, ES-29080 Málaga, Hispanio; rete — <naturamik ĉe esperantio.net>.
Kotizoj kaj donacoj estas pageblaj al la konto 1010ENA ĉe Fondumo Pro Esperanto, Svislando. Informo pri la pagmanieroj estas ricevebla ankaŭ de nia redakcio.
Asertis lastatempe Zlatko Tiŝljar: “ni estas iuspeca popolo sen ŝtato kaj ni ne kreas iun universalan kulturon, sed ni produktas specifan kulturon de esperantista popolo dissemita en la mondo kaj do alimaniere sentanta la homaron ol nacianoj de nacioj loĝantaj en unu ŝtato.” Ĉi tiu aserto estas raŭmisma.
Sep virinoj el ses landoj (kaj du kontinentoj, inkluzive de Oceanio) estas akceptitaj kaj atendataj por la dua Ateliero pri beletra kreivo, okazonta ĉe Kultura Centro Esperantista en Svislando, 23-26 junio 2011, post la prokrasto kaŭzita de malsano de la gvidonto.
Kiam Peter G. Foster en sia The Esperanto Movement venis al la t. n. sveda periodo, li konstatis, ke ĝi dependis de la tiama populariĝo de socialismaj, radikalaj, liberalaj kaj raciismaj ideoj inter la tiulandaj intelektuloj.
Doktoro José Antonio Vergara havas propran manieron honori sian sciencan klerecon, uzante similajn esprimojn (precipe kiam li supozas ke nur similuloj legas lin).
La baldaŭ dudekjara batalado (kun kelkaj paŭzoj kaj eĉ unu armistico, en 2004) inter la burokrata aparato kaj la “politika” gvidantaro de Universala Esperanto-Asocio plene atingis sian fazon 5.
HeKo 478 8-C, 27 apr 11
En federisma strukturo la aliĝintaj kolektivoj restas multe pli aŭtonomaj ol en centralisma, ĝuste ĉar en federismo la “centro” havas subsiduan rolon. Tio des pli veras, se ne temas pri federacia, sed pri konfederacia sistemo: la kazo de la Esperanta Civito.
Tri intervjuoj faritaj dum la lasta Internacia Junulara Festivalo en Italio legeblos en baldaŭa numero de “Heroldo de Esperanto”. La intervjuitoj estas JoMo, Daniele Binaghi kaj Lukasz Zebrowski.
La poliglota kantisto diras multon interesan pri si kaj pri la nuna momento de nia muzika kulturo. Interalie, kiu estas lia “ĝemela frato” en la esperanta muziko.
HeKo 478 6-C, 22 apr 11
Tuta gazeto dediĉita al Afriko? Nur LF-koop havas tiom da estimo al la tiea Esperantio, dediĉante ĉiujare tutan numeron de “Heroldo de Esperanto”. Por ne mencii la preskaŭ chiunumerajn novaĵojn. Granda abundo, kompare al la (cenzura) silentado de alies periodaĵoj.
Dum la lastaj jaroj multiĝis la biografiaj esploroj pri Lazaro Ludoviko Zamenhof. La libro de c-ino Zofia Banet-Fornalowa diferencas de la ceteraj, ĉar ĝi ne enfokusiĝas al la vivo kaj verkaro de la kreinto de esperanto, sed al lia familio. Tiurilate ĝi estas unikaĵo: des pli en la nova eldono, presata en Italio, multe pli ampleksa kaj ĝisdatita ol la antaŭa.
