Heroldo Komunikas | Esperanta Civito

KEFR, bazo de la Civita testosistemo

HeKo 322 5-C, 29 jan 07

La Komuna Eŭropa Framo de Referenco (KEFR) estas la bazo de la LingvoTesta Sistemo de la Esperanta Civito (LTSEC). La tutan sistemon administras Kultura Centro Esperantista en Svislando. Kadre de la sama reto de lingvotestaj institutoj troviĝas ITK en Budapeŝto, kun kiu KCE lastatempe subskribis interkonsenton kun reciproka agnosko pri la aktiveco rilate al nia lingvo.

Legu pli pri KEFR, bazo de la Civita testosistemo

Internacia Tago de la Memoro

HeKo 322 4-C, 27 jan 07

Hodiaŭ oni memoras la viktimojn de la Holokaŭsto, per la Internacia Tago dediĉita al ili (rezolucio 60/7 de UN je 1 novembro 2005). Tiutage en 1945 la pretervivintoj en la koncentrejo Auŝvico estis atingitaj fare de la Ruĝa Armeo.

Jen bona okazo (re)legi la tre interesan artikolon pri la savo de la 25.000 bulgaraj hebreoj en “Literatura Foiro” n-ro 221, junio 2006.

Legu pli pri Internacia Tago de la Memoro

Pola Radio: la hebrea anstataŭ esperanto

HeKo 322 3-A, 27 jan 07

Agentejo Reuters informis, ke la Pola Radio elsendos en la hebrea ekde marto 2007, por pliﬁrmigi la rilatojn inter Pollando kaj Israelo kaj por refuti la reputacion de poloj kiel antisemitoj. La unuaj elsendoj estos kelkhoraj.

Legu pli pri Pola Radio: la hebrea anstataŭ esperanto

Esperanta kandidato por la Nobel-premio

HeKo 322 2-B 26 jan 07

La Esperanta PEN-Centro referendumis inter siaj membroj pri la eventuala kandidato al la Nobel-premio pri literaturo. El la selektita kvino (Marjorie Boulton, Miguel Fernández Martín, István Nemere, Giorgio Silfer, Spomenka Ŝtimec) du verkistoj ricevis tri, respektive ses voĉojn. Ĉi-lasta, akceptinte la proponon, estos kandidatigita por 2007.

Legu pli pri Esperanta kandidato por la Nobel-premio

El Roterdamo finofara bato por "Fonto"

HeKo 322 1-A, 26 jan 07

Claude Nourmont Moon, vicprezidantino de UEA, skribis en “La Ondo de Esperanto” (1:2007, p. 14) ke: “Fonto” ne malaperas, sed nur paŭzas, kaj estas studata reaperiga plano.

Legu pli pri El Roterdamo finofara bato por "Fonto"

Monda Socia Forumo fermiĝas en Najrobo

HeKo 321 9-C, 25 jan 07

Dum la semajno de la Monda Socia Forumo mortis du gravaj personecoj, kiujn MSF honoris: la franca ﬁlantropo Abbé Pierre kaj la pola ĵurnalisto Ryszard Kapuczinski. La kronikista talento de ĉi-lasta estas ĝuebla ankaŭ en esperanto, per la verko “Ebono”, tradukita de c-ano Tomasz Chmielik. La kvindek mil partoprenantoj en la Monda Socia Forumo honoris ambaŭ personecojn.

Legu pli pri Monda Socia Forumo fermiĝas en Najrobo

Nova Kapitulo sub signo de kontinueco

HeKo 321 8-C, 23 jan 07

La ĝisnuna Konsulo, c-ano Walter Zelazny, ricevis de la baldaŭa, c-ano Giorgio Silfer, la informon ke la propono pri la nova Kapitulo estas preta. En la inaŭgura sesio de la Parlamento la nova Konsulo formale anoncos la konsiston de sia teamo, kun la respektivaj delegoj.

Legu pli pri Nova Kapitulo sub signo de kontinueco

Internacia literatura konkurso EKRA-2007

HeKo 321 7-B, 22 jan 07

Esperantista domo de kulturo “D-ro Ivan Kirĉev”, Razgrad (Bulgario), anoncas internacian literaturan konkurson pri poezio kaj humuraĵoj, originale verkitaj en esperanto “EKRA-2007”, je libera temo. La verkoj ne devas esti ĝis nun publikigitaj en periodaĵoj, partoprenintaj en aliaj konkursoj aŭ aﬁŝitaj en Interneto.

Legu pli pri Internacia literatura konkurso EKRA-2007

LTSEC-seminario ĉi-semajnfine ĉe KCE

HeKo 321 6-B, 22 jan 07

Fakuloj el Francio, Hungario, Italio, Svedio kaj Svislando partoprenos en la seminario pri la LingvoTesta Sistemo de la Esperanta Civito, organizita de KCE en Ĉaŭdefono sabaton la 27an de januaro 2007, de mateno ĝis vespero.

Legu pli pri LTSEC-seminario ĉi-semajnfine ĉe KCE

Kenjo rifuzas la enirvizon al Dalai Lama

HeKo 321 5-C, 21 jan 07

Kenjo rifuzis la enirvizon al Dalai Lama, spirita gvidanto de la tibeta budhismo, kiu do ne povos partopreni la Mondan Socian Forumon en Najrobo. Pri tio raportas la itala oﬁciala ITV de la Forumo, mastrumata de la gazetara servo de la Provinco de Trento.

Legu pli pri Kenjo rifuzas la enirvizon al Dalai Lama

Aperis la numero 4 de "Afrikume"

HeKo 321 4-B, 20 jan 07

Okaze de la inaŭguro de la Monda Socia Forumo en Najrobo aperis la kvara numero de “Afrikume”, la afrika cirkulero de Kultura Centro Esperantista, distribuota ankaŭ kiel suplemento de “Heroldo de Esperanto”.

Legu pli pri Aperis la numero 4 de "Afrikume"

Blankanoj subtenas kampanjon kontraŭ mortpuno

HeKo 321 3-C, 18 jan 07

Al la Transnacia Radikala Partio
Maurizio Turco, Marco Beltrandi, Marco Cappato
vicprezidantoj

Nome de la Blanka grupo en la Senato de la Esperanta Civito kaj de mi persone, mi ﬁrme subtenas la kampanjon kaj la iniciaton de s-ro Marco Pannella. Ni kontraŭas la mortpunon kiel etike ne permeseblan punon.

Legu pli pri Blankanoj subtenas kampanjon kontraŭ mortpuno

HeKo – Heroldo Komunikas
retagentejo de la Esperanta Civito

HeKo estas novaĵagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, sub responso de la Kapitulo.
B: bultenaj de paktintaj establoj, sub responso de la Kapitulo.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi komentarion aŭ artikolon tra pakto@esperantio.net. Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKoj: https://mallonge.net/heko