Kvindek jarojn da geedzeco festis je 10 junio 2012 ĉe kafejo “Esperanto” en Razgrado c-ino Radka Stojanova kaj s-ro Georgi Stojanov, en ĉeesto de sesdeko da esperantistoj el tuta Bulgario kaj gasto el Serbio. Kiel sciate, tio estas ora nupto: la arĝenta festas 25 jarojn, la perla 30, la smeralda 40, la diamanta 60 kaj la platena 70.
Por diplomi 360 personojn ĉirkaŭ 60 estis engaĝitaj kiel testistoj kaj kunlaborantoj en 29 urboj de entute 17 landoj: averaĝe po ses diplomotoj kostis la tempon kaj penon de almenaŭ unu persono tage. Diplomotoj, ĉar la lingvotesta korektado okazas nur en Budapeŝto, ĉe la neesperantista instituto ITK (kie kutime la ekzamendenseco estas multe pli alta ol po ses je unu).
Jen la rezultoj de la Internacia literatura konkurso EKRA-2012, organizita de la Esperantista Domo de Kulturo “D-ro Ivan Kirĉev” – Razgrado (Bulgario) sub la aŭspicio de la revuo “Literatura Foiro”.
HeKo 508 7-C, 12 jun 12
La financa krizo en Eŭropo, specife en la eŭro-areo, koncernas Esperantion multe pli ol la financa krizo en Usono antaŭ tri jaroj, kvankam ĉi-lasta kaŭzis fortan reduktiĝon de la rimedoj je dispono de Esperantic Studies Foundation, unu el la ĉefaj financantoj en la esperanto-mondo. Estas do bone orientiĝi pri la eŭropa krizo, almenaŭ supraĵe.
La esperantista nemoveblaĵo Esperanto-Gården en Svedio situas en Långban, kiu estas unu el la plej mineralabundaj regionoj en la tuta planedo. Por popularigi la kelkajn interesajn lokojn kaj sian sciencon, la buroo Sveriges Geologiska Undersökning aranĝas voĉdonadon pri la titolo “Geologia heredaĵo 2012”. Långban estas unu el dek lokoj, kiuj konkurencas pri la titolo.
“Pro aĝodiferenco kaj frua edziĝo (li lasis definitive la familion kiam mi estis ankoraŭ en la elementa lernejo) mi havis malmulte da komuna vivo kun mia frato Silvano: praktike nur la infanaĝo, eĉ ne tute. Li estis mia granda frato kaj mi lia eta. Kiel tian mi intencas rememori lin”.
La jura kaj organiza adresoj de Esperanta Naturamikaro koincidas ekde nun kun la Esperanto-Domo en Andaluzio. La kontoreto de ENa jam funkcias en la trietaĝa domo, ĵus pagita al la vendinto.
La prezidanto de la ĉina sekcio de Internacia Fervojista Esperanto-Federacio, Han Zuwu, vizitis Kulturan Centron Esperantistan en Ĉaŭdefono, post partopreno en la 64a Internacia Fervojista Kongreso en Germanio, 19-25 majo 2012. Lin akompanis alia esperantisto el Tianjin, la urbo de kie devenas la nuna sekretario de KCE, c-ino Jun Liu.
HeKo 508 1-C, 4 jun 12
Laŭ invito de UNPO, Organizo de la Nereprezentataj Popoloj, la Esperanta Civito partoprenos ĉi-monate en la internacia konferenco pri “Nuntempa sklaveco: kompreni la modernan vizaĝon de antikva diablo”. La esperantan popolon reprezentos la Konsulino, Marie-France Conde Rey, kaj ekskonsulo Giorgio Silfer.
En 1824 Ludwig van Beethoven finverkis sian Naŭan Simfonion, kies lasta movimento inkluzivas poemon (kun versoj aldonitaj de Betoveno mem) komponitan de Friedrich Schiller dum la antaŭa jarcento: Ode an die Freude / Odo al [la] ĝojo.
HeKo 507 8-C, 2 jun 12
Hodiaŭ ni memoras la 125an datrevenon de la livero de la Unua Libro al la cara cenzuro, nome la oficialan naskoakton de “Lingvo Internacia de Doktoro Esperanto”. Prave la Konstitucio de la Esperanta Civito elektis la Duan de Junio kiel Tagon de la Esperanta Lingvo, kaj pro feliĉa malhazardo ĝi koincidas kun la dato de promulgado de la Konstitucio mem.
Fondumo Pro Esperanto kiel regio okupiĝis en majo 2012 pri la flegado kaj parta restrukturado de la Esperanto-Domo en Ĉaŭdefono. La laboroj komisiitaj al c-ano Marek Bamberski estis kontentige kaj ĝustatempe plenumitaj. Aldone, li devis ŝanĝi la tutan tubaron de la orienta klozeta sistemo, kiu montriĝis difektita de la tempopaso.
