HeKo 727 9-C, 20 feb 20
Pro Esperanto analizas periode la situacion de diversaj subjektoj ekonomie kaj strategie gravaj en Esperantio, por indiki kie valoras investi aŭ prunti, fari donacon aŭ legacon.
La junulara komisiono de Kultura Centro Esperantista ĵus kompletigis kaj liveris la dokumentaron por inviti la Internacian Junularan Kongreson en 2021, ene de la tiel nomata “dua etapo”. Se la invito estus akceptita, unuafoje Tutmonda Esperantista Junulara Organizo kongresus en Svislando.
HeKo 727 7-C, 18 feb 20
La Esperanta Civito estis oficiale invitita al gravaj eventoj en Meksikurbo fine de ĉi tiu monato. La ĉefa estas la Internacia Kongreso de la Lingvoj en Risko; tuj ĝin sekvos altnivela kunveno dum kiu oni akceptos dokumenton baze al la Internacia Jardeko de la Indiĝenaj Lingvoj 2022-2032.
Sen. Lorena Bellotti reprezentis esperanton en Munkeno, nome de Kultura Centro Esperantista, komisiita de la Esperanta Civito ĉe Asocio de LingvoTestistoj en Eŭropo, kiu tie havis siajn vintrajn laborkunsidojn, 6-7 februaro 2020.
HeKo 727 5-C, 14 feb 20
La eventuala enigo de la neologismo “ri”, kiel transgenra pronomo, en la preparatan novan eldonon de la Plena Ilustrita Vortaro kaptos la atenton ankaŭ de la Lingva Kolokvo de KCE (30 aprilo — 3 majo 2020) en Ĉaŭdefono, kiun partoprenos almenaŭ kvar el la dek Lingvaj Komitatanoj de Esperantio, debatante pri “PIV kvindek jarojn poste”.
Ĉe la Esperanta Civito, malgraŭ ĝiaj bizaraj trajtoj, troveblas ia racia idea kerno. La Civito naskiĝis en tempo, kiam la raŭmismo (io diversmaniere interpretebla, ne nur laŭ la maniero de la Civito) estis furora temo.
La monata informa organo de Kultura Centro Esperantista proponas plej interkontinentan numeron (2305) en ĉi tiu monato: novaĵoj el Ameriko (pri indiĝenaj lingvoj), Afriko (de Espoir Kasati pri UETA), Azio (de Trigo pri la ĉina pesto), Oceanio (pri la krizo de Amikumu), Eŭropo (pri la brita secesio kaj multo alia).
Post agitado fare de s-ro Laszlo Szilvasi, iu nederlanda komitatano petis la estraron de TEJO postuli de Kultura Centro Esperantista la deklaron “ke en IJK eventuale organizata en Svislando oni neniun diskriminacius”, konforme al la art. 2 de la statuto de Tutmonda Esperantista Junulara Organizo. Jen la respondo de la Junulara Komisiono de KCE, invitinta la Internacian Junularan Kongreson:
HeKo 727 1-C, 6 feb 20
Ekde aprilo 2020 la retejo www.esperantio.net daŭros kiel tute renovigita. Ĝi estos potencigita, interalie per RSS-fluo, tiel ke eblos kuplado ene de diversaj retejoj. Plej grave, al la ĉefaj funkcioj de retagentejo kaj dokumenta arkivo aldoniĝos tiu de distribua servo.
Kultura Centro Esperantista organizos ĉi-jare en julio anstataŭ aŭgusto sian Esperantologian Fakultaton, kiu situos kiel kutime en Ĉaŭdefono, la plej esperanteca urbo en Svislando.
La aŭtoro de unu el la plej humuraj romanoj en nia literaturo, Blazio Vaha, gastos ĉe la 58a literatura kafejo, kiun Fajszi Amika Rondo organizos en Budapeŝto 19 februaro 2020, ĉe la orienta legacio de la Esperanta Civito, sub la aŭspicio de Esperanta PEN-Centro.
La junaj britaj esperantistoj rezignis organizi la Internacian Junularan Kongreson en 2021 pro manko de laborfortoj, kaj Tutmonda Esperantista Junulara Organizo estis urĝe devigata serĉi alian solvon. Unu tia solvo delonge pretas, kaj hieraŭ ĝin konfirmis s-ro Querino Neto, ĝenerala sekretario de TEJO.
