Borsa analizo de Esperantio, majo 2017
HeKo 648 2-C, 13 jun 17
Laŭ servo interna al Fondumo Pro Esperanto, majo 2017 alportis la sekvajn variojn:
HeKo 648 2-C, 13 jun 17
Laŭ servo interna al Fondumo Pro Esperanto, majo 2017 alportis la sekvajn variojn:
La interna opozicio insistas: UEA en abisma deficito
HeKo 648 1-A, 12 jun 17
La lasta financa raporto de Universala Esperanto-Asocio, antaŭ ne longe publikigita en la nuntempe aktuala organo, stimulas la kritikojn de la internaj opozicioj, kiujn komunigas ankaŭ la voĉoj kontraŭaj al la emancipiĝo de la junularo.
Jam la kvina numero de la KCE-informilo
HeKo 647 9-B, 11 jun 17
Ekde ĉi tiu jaro Kultura Centro Esperantista havas plian informan kanalon: dupaĝa monata gazeto en formato A3, simile al “Heroldo de Esperanto”. Fakte la monata informilo de KCE pli kaj pli famiĝas kiel la “heroldeto”, aŭ “la eta heroldo de KCE”. Sed ĝia oficiala mallongigo estas MI-KCE.
Skotoj kaj irlandanoj savas anglan premierinon
HeKo 647 8-E, 10 jun 17
La konservativa partio perdis la absolutan majoritaton en la brita parlamento, okaze de la ĉi-semajnaj elektoj. Tamen ĝi restis la plej forta partio: per 318 seĝoj plus dek de la nordirlanda unia partio ĝi povos formi la registaron.
La Konsulo malsanas kaj konvaleskos gis fino de junio
HeKo 647 7-C, 10 jun 17
La Konsulo de la Esperanta Civito, Chamberline Nguefack Zedong, malsanas kaj kuŝas en hospitalo. Pro la terapio kaj la konvalesko ŝi forestos de ĉiu ofico ĝis 30 junio 2017.
Konforme al la artikolo 20, paragrafo 4 de la Konstitucio, la Vickonsulo (Giorgio Silfer) anstataŭas ŝin dum tiuj tri semajnoj.
"Historio de la esperanta literaturo" elĉerpita
HeKo 647 6-B, 9 jun 17
Ankaŭ la dua represo de “Historio de la esperanta literaturo” estas elĉerpita ĉe la eldoninto, Kooperativo de Literatura Foiro. La elĉerpiĝo koincidas kun la livero de la libro al la presejo, por la tria represo, kiu estos plenumita venontmonate, ĝuste cent tridek jarojn post la eldono de la Unua Libro, en Varsovio 1887.
Oka Afrika Kongreso de Esperanto, unua bulteno
HeKo 647 5-B, 9 jun 17
Societo Internacia por Paco Universala, prezidata de sen. Frederiko Nimubona, anoncas la unuajn detalojn pri la planata 8a Afrika Kongreso de Esperanto.
Loko: Buĵumburo, ĉefurbo de Burundio.
Kongresejo: la Sveda Centro, kie eblas ankaŭ tranoktadi.
Dato: 22-27 decembro 2017.
Ĉeftemo: Emancipiĝo, refortiĝo kaj renaskiĝo de Afriko.
Programo de la Studa Tago en Bruselo, 23.9.2017
HeKo 647 4-C, 8 jun 17
La okcidenta legacio de la Esperanta Civito (strato Edinburgo 26, Bruselo) gastigos Studan Tagon de fondumo Pro Esperanto, 23 septembro 2017. La laboroj okupos tiun sabaton ekde 9h30 ĝis 17h00, kun lunĉo- kaj kafopaŭzoj.
Proceduraj demandoj ekzamenitaj de la Kapitulo
HeKo 647 3-C, 7 jun 17
La Kapitulo kunvenis hieraŭ skajpe sub la prezido de la Konsulo, en ĉeesto de preskaŭ ĉiuj vickonsuloj. La kunveno estis dediĉita plejparte al internaj temoj kaj al Afriko. Ĝi ebligis enfokusigon pri la proceduraj mekanismoj, specife pri subvencipetoj.
JARTE proponas parolagon pri "Kvarteto" de Harwood
HeKo 647 2-B, 6 jun 17
Post la sukcesa prezento de “Njugatesko” en Budapeŝto pasintjare, Giorgio Silfer planas la enscenigon de “Kvarteto”, en formo de parolago, aŭ interpretata legado, dum Arta Renkonto Transnacia en Esperanto, okazonta en Ĉaŭdefono 16-21 julio 2017, sub la aŭspicio de Tutmonda Esperantista Junulara Organizo.
Hipotezo de interna renverso en UEA
HeKo 647 2-A, 6 maj 17
Ĉu la interna situacio de Universala Esperanto-Asocio similas al tiu de Hispanio en junio 1936? Kiuj farus puĉon kontraŭ la nuna estraro? Ĉu eblas hipotezi renversoplanon?
UEA frontas kvin opoziciojn: kiu el ili plej nocas?
HeKo 647 1-A, 5 jun 17
Universala Esperanto-Asocio devas nuntempe elteni kvin opoziciojn. La unua konsistas el homoj kiuj insultas pli-malpli ĉiujn, kaj kompreneble rezervas pli vastan porcion da insultoj al la establo kiun ili supozas plej grava en Esperantio. Temas pri unuopuloj kiel Andy Künzli, aŭ pli frue Christopher Culver, kiuj disdonas patenton de idioteco al ĉiuj (krom si mem).