KCE trovas trezoreton kaj hotelan vervon
HeKo 713 5-B, 11 jul 19
Dum UEA, TEJO kaj eĉ SAT-Amikaro suferas pro strukturaj deficitoj, Kultura Centro Esperantista progresas kun pli kaj pli sana spezado.
UEA perdis 400.000 eŭrojn dum tri lastaj jaroj
HeKo 713 4-A, 9 jul 19
La financa situacio de Universala Esperanto-Asocio estas pli malbona ol oni jam sciis. En 2017 la deficito tanĝis 160.000 eŭrojn, en 2018 nur cent mil, sed en 2019 ĝi superos 140.000 eŭrojn, laŭ ĵusa komuniko de la UEA-prezidanto, d-ro Mark Fettes.
Kreskas la malkvieto en Roterdamo
HeKo 713 3-A, 8 jul 19
La sindikata situacio en Universala Esperanto-Asocio fariĝas pli kaj pli malkvietiga. La (parte) maldungotaj oficistoj altigis siajn financajn pretendojn, laŭ deklaro de komitatano Rob Moerbeek. La risko de konflikto inter la labordonanto kaj la burokratoj daŭre ŝvebas super UEA.
Projekto Nurenbergo atingas la trian eksperimenton
HeKo 713 2-C, 7 jul 19
Disvolviĝos ĉi-semajne ĉe Kultura Centro Esperantista la tria eksperimenta kurso pri tradukarto, sub la gvido de d-ino Perla Martinelli. Partoprenos tradukemuloj el la tri ĉefaj lingvaj areoj de Svislando, kvankam neniu el ili estas sviso aŭ loĝas tie: la kurso estas centprocente transnacia.
La prezidantino de TEJO vizitis la Domon de KCE
HeKo 713 1-B, 5 jul 19
Ĝojo el Hanojo, nuna prezidantino de Tutmonda Esperantista Junulara Organizo, faris neanoncitan privatan viziton en la Esperanto-Domo de Svislando. Ŝin akceptis c-ino Anna Bartek, sekretario de Kultura Centro Esperantista.
Ne legitimas lingvotestado per skajpo
HeKo 712 9-C, 3 jul 19
Kultura Centro Esperantista interpelaciis la Kapitulon pere de sia parlamentano, ĉu oni rajtas ekzameni laŭ LTSEC (LingvoTesta Sistemo de la Esperanta Civito) per skajpo, almenaŭ parte. Jen la respondo.
Literatura Foiro 300 donace kaj bunte tra la reto
HeKo 712 8-B, 2 jul 19
“Literatura Foiro” n-ro 300 (aŭgusto 2019, 64-paĝa) estas jam presata, kun admirinda akurateco kiu ŝajnas nesuperebla.
Surpriza rezulto: Charters riskas ne prezidi UEAn
HeKo 712 7-A, 1 jul 19
Surpriza rezulto en la baloto por la Komitato de Universala Esperanto-Asocio: prof. Duncan Charters, kiu kandidatas kiel prezidonto de la Asocio, ne estis elektita. La individuaj membroj partoprenintaj en la baloto verdiktis favore al tri elirantaj estraranoj (Emilio Cid, Lee Jungkee kaj Alex Kadar), plus TEJO-reprezentanto Michael Boris Mandirola kaj eksdirektoro Osmo Buller.
KCE heroldas per sia julia informilo
HeKo 712 6-B, 30 jun 19
En perfekta akurateco aperis la papera eldono de “Heroldo de Esperanto”, numero 2298 (julio 2019). La informilo de Kultura Centro Esperantista proksimiĝas al la centa jaro per intera jubileo: la 2300a numero, sama nombro kiel la poŝta kodo de Ĉaŭdefono.
Nederlanda tribunalo pravigas maldungojn fare de UEA
HeKo 712 5-A, 28 jun 19
La estraro de Universala Esperanto-Asocio ekde la pasinta decembro planis maldungi, parte aŭ plene, kvin oficistojn en Nieuwe Binnenweg 176. La informo fariĝis universala nur komence de aprilo 2019, sed jarfine 2018 okazis kurioza incidento, kvazaŭa anekdoto.
Centmil-eŭra deficito por Roterdamo en 2018
HeKo 712 4-A, 25 jun 19
“Kvankam 2018 estis «relative» bona jaro, la asocio daŭre havas gravan strukturan deficiton, kiun la venonta Estraro devas fronti”. Per tiu ĉi lakona frazo finiĝas la tre konciza financa raporto de Universala Esperanto-Asocio, ĵus liverita al la Komitato.
Jam decidita la nova estraro de UEA
HeKo 712 3-A, 23 jun 19
Laŭ la sovetia procedo kiu karakterizas la elektojn en Universala Esperanto-Asocio, kun monata fruo estas jam divenebla la konsisto de la nova estraro de la Asocio.