Heroldo Komunikas | Heroldo Komunikas

Jubileo de la Padova Esperantista Klubo

HeKo 542 5-B, 25 okt 13

Kun la patroneco de la Komunumo de Padovo, la Komunumo de Abano kaj la Komerca Ĉambro de Padovo dimanĉon, 20 oktobro 2013, la Padova Esperantista Klubo “Giovanni Saggiori” festis sian centjariĝon en la Centro Sankta Gaetano, luksa publika instalaĵo.

Anonco pri stipendio de CELV, Aŭstrio

HeKo 542 4-B, 24 okt 13

Kiel institucia aliĝinto al la Asocio de LingvoTestistoj Eŭropaj (ALTE), Kultura Centro Esperantista estas kontaktita pri la suba anonco kaj volonte publikigas ĝin. Interesatoj povas ricevi pliajn informojn ĉe KCE aŭ tra nia redakcio.

En la ciklonkerno la hungara diplomfabriko

HeKo 542 3-A, 23 okt 13

La hungara polico enketas pri defraŭdo rilate diplomojn disdonitajn de ITK, la instituto kies esperantista partnero (kvazaŭ eksterlanda giĉeto, organizita de d-ro Renato Corsetti kaj d-ino Katalin Kováts) estas Universala Esperanto-Asocio, laŭ specifa kontrakto.

Herbert Mayer forlasis la Esperanto-Muzeon en Vieno

HeKo 542 2-A, 22 okt 13

Mag. Herbert Mayer ĉesis en la oﬁco de direktoro de la Kolekto por Planlingvoj kaj Esperanto-Muzeo de la Aŭstria Nacia Biblioteko (ONB), pro emeritiĝo (59-jaraĝa) ekde 31 julio 2013.

Unua esperanto-kurso en Malago orienta

HeKo 542 1-B, 21 okt 13

Ekis hodiaŭ ĉe la municipa biblioteko en Malago orienta la unua esperanto-kurso organizita de la naturamika Esperanto-Domo, sub la gvido de sen. prof. Giorgio Silfer. Aliĝis deko da personoj, loĝantaj en la koncerna distrikto, inkluzive de franco; sed por la unua leciono venis tri viroj kaj kvar virinoj, kiuj sekvos ĝis la ﬁno, plej probable.

Numero 27 de “Esperantista Tribuno”

HeKo 541 9-B, 18 okt 13

La ĵusa numero 27 de la bulteno “Esperantista Tribuno” enkonduke proponas artikolon de c-ino Ivaniĉka Maĝarova pri unu el la semantoj de esperanto en Bulgario kaj Francio, Stefan Minkov, kies rememorojn pri liaj renkontoj kun Lev Tolstoj kaj kun la paro Ludoviko-Klara post la Kembriĝa kongreso kaj aliaj pioniroj de Lingvo Internacia oni povas legi en la aŭgusta numero de “Literatura Foiro” 201

Pli kaj pli amerika la UEA-strategio

HeKo 541 8-B, 16 okt 13

Estas amerikano, pli precize brazilano, la ŝlosila persono en la strategio de la nova estraro de Universala Esperanto-Asocio, pri interna informado. Temas pri s-ro Fabricio Valle, nova redaktoro de la UEA-organo.

Sen. Etel Zavadlav distanciĝas de sia grupestro

HeKo 541 7-C, 14 okt 13

“Mi distanciĝas de la konduto de kolego Rooke, konsiderante interalie lian malsanon, kiu igas lin ne kapabla elteni iun ajn funkcion ene de la politika vivo.” Tiel deklaris sen. Etel Zavadlav, la dua membro de la Ruĝa grupo. Ŝi ankaŭ deklaris pri kiu malsano temas.

Du rezoluciproponoj por la Asembleo de KCE

HeKo 541 6-B, 13 okt 13

Per la dissendo de du rezoluciproponoj al la voĉrajtaj kunvokitoj kompletiĝis la proceduro prepare al la eksterordinara Asembleo de Kultura Centro Esperantista, kunvokita je 9 novembro 2013 laŭ peto de triono de la membraro, por elekti novan Komitaton, kie ne plu sidu la nunaj vicprezidanto kaj sekretario, kiujn fakte neniu rekandidatigis.

Ekde 2014 merkrede la literaturaj kafejoj en Budapeŝto

HeKo 541 5-B, 12 okt 13

Ekde 2014 la literaturaj kafejoj en Budapeŝto okazos en la tria merkredo de la monato, anstataŭ la tria ĵaŭdo. La literaturajn kafejojn organizas Fajszi Amika Rondo, sub la aŭspicio de Esperanta PEN-Centro, ĉe la Landa Fremdlingva Biblioteko (OIK), kiel ero de la oﬁciala monata programo de la biblioteko, kiu disponigas tiucele ankaŭ sian stabanon.

Sen. Dieter Rooke sub enketo

HeKo 541 4-C, 10 okt 13

La Konsulo de la Esperanta Civito, Marie-France Conde Rey, ricevis denuncon fare de c-ano Marek Bamberski kontraŭ sen. Dieter Rooke, pro klopodo de korupto. Laŭ la denunco, atestita ankaŭ de c-ano Andrzej Nawrocki, sen. Rooke proponis rimarkindan monsumon por ke li ne plenumu taskon promesitan al KCE kadre de la domﬂegado.

En Budapeŝto la kvina Ateliero de FEM

HeKo 541 3-B, 10 okt 13

La kvina Ateliero por beletra kaj redakta kreivo, organizata de Feminisma Esperanta Movado kaj celanta la partoprenon de inteligentaj virinoj, okazos en Budapeŝto ĉe la Civita legacio, meze de majo 2014. La elekton de FEM pri Budapeŝto (anstataŭ KCE en Ĉaŭdefono) klarigas la strebo partoprenigi pli multe da orientaninoj.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.