La senatokonsulto ekzamenas rezoluciproponon
HeKo 737 4-C, 17 jun 20
Daŭras la senatokonsulto pri la pandemia konjunkturo kaj ĝiaj efikoj en Esperantio, surbaze de rezolucio proponita de la Konsulo, sen. Riichi Karibe.
HeKo 737 4-C, 17 jun 20
Senatokonsulto pri la pandemia konjunkturo
HeKo 737 3-C, 15 jun 20
Sen. Riichi Karibe, Konsulo de la Esperanta Civito, vokis hieraŭ al senatokonsulto pri la pandemia konjunkturo en Esperantio, konforme al la art. 28 de la Senata Reglamento. Senatokonsulto estas telematika kunsido de la Senato, pri unu sola kaj klare indikita temo. La Konsulo enkondukas la diskuton, fiksas la limdaton por la sinesprimoj kaj eltiras la konkludojn.
Finredaktita la aŭgusta numero de "Literatura Foiro"
HeKo 737 2-B, 12 jun 20
La redakcio de “Literatura Foiro” kunvenis hodiaŭ vespere por finredakti la enhavon de la aŭgusta numero (306), en skajpa alesto de ĉiuj redaktoroj (gec-anoj Marie-France Conde Rey, Carlo Minnaja, Fernando Pita, Giorgio Silfer), sub la kunordigo de c-ino Perla Martinelli.
Kunvokita la junia kunveno de la Kapitulo
HeKo 737 1-C, 10 jun 20
La Kapitulo estas kunvokita al ordinara skajpa kunveno, 17 junio 2020 je 10h00 (MET), sub la prezido de la Konsulo, sen. Riichi Karibe.
En la tagordo elstaras la eksteraj rilatoj kaj diversaj projektoj. Specife moviĝas la formado de kadroj, la propono pri sidejo de Islama Esperanta Klubo en Buĵumburo, la smeralda jubileo de la Manifesto de Raŭmo, la regia aktiveco de Pro Esperanto.
SAT perdis dekonon de la membraro en 2019
HeKo 736 9-A, 9 jun 20
Sennacieca Asocio Tutmonda ne profitis el sia lastjara kongreso en Barcelono, duoble pli partoprenita ol kutime: la membraro malkreskis je pli ol dek procentoj, de 446 en 2018 al 400 en 2019. La kotizaro fidele spegulas tiun konstantan regreson: 19.000 eŭroj en 2017, 16.000 en 2018, malpli ol 14.000 en 2019.
La junia Heroldo aktualigas interesajn debatojn
HeKo 736 8-B, 7 jun 20
“Heroldo de Esperanto” n-ro 2309 (junio 2020) estas en la leterkesto de siaj abonantoj, kun interesaj kontribuoj al diversaj debatoj: pri financoj en Esperantio, pri raŭmismo, pri indiĝenaj lingvoj, pri onomastiko. Aldone multaj informoj el la esperanta mondo, precipe la konsorcio de la Pakto.
Svislando invitos IJK-on por 2022
HeKo 736 7-B, 7 jun 20
Post la rezigno de britoj respektive sudkoreoj, Tutmonda Esperantista Junulara Organizo lanĉas trian alvokon por la okazigo de sia kongreso. Sed el la kvar kandidatoj kiuj pretis inviti IJK-on 2021, post la maltrafa elekto favora al pacifika insuleto reproponus sin nur unu, kaj ĝi ne estas la svisa.
Pretu tosti PIVE (sed ne nur biere...)
HeKo 736 6-B, 6 jun 20
Estas presata la nova eldono de “Plena Ilustrita Vortaro de Esperanto”, kies ĉefa novaĵo ŝajnas la enmeto de referencoj al la 9a Oficiala Aldono, tiel ke 209 kapvortoj estas nun signitaj per la cifero 9.
SAT rezignas pri fizika kongreso en Bjalistoko
HeKo 736 5-A, 5 jun 20
Pollando ne portas bonan ŝancon al la Sennacieca. La invito al kongreso en Varsovio dum 1987 estis rapide nuligita en 1985, kiel konsekvenco de la puĉo ene de Pola Esperanto-Asocio. La SAT-kongreso en Bjalistoko, julio 2020, estis ĵus nuligita pro la pandemio.
TEJO ne rezignas pri fizika kongreso en 2021
HeKo 736 4-A, 4 jun 20
La (tro?) frua rezigno de la nederlandanoj organizi Internacian Junularan Kongreson en 2020 kuntrenis ankaŭ la rezignon de la sudkoreoj pri IJK en 2021. Sed la gvidaj instancoj de TEJO intencas okazigi IJK-on fizike en 2021 kaj tial ili ĵus relanĉis konkurson, kun unua limdato 30 junio 2020.
Kia junulara strategio en la 21a jarcento?
HeKo 736 3-A, 3 jun 20
La esperanto-junularo aspektas fenomeno relative pli kompakta ol pliaĝaj movadoj. SAT-junulfako praktike ĉesis antaŭ jardekoj, dum TEJO pli kaj pli kreskis ekde la 1960aj.
Okaze de la Tago de la Esperanta Lingvo 2020
HeKo 736 2-C, 2 jun 20
La centdudektria datreveno de la cenzura permeso pri la Unua Libro de Doktoro Esperanto (2 junio 1887) ĉi-foje koincidas kun la ora jubileo de Plena Ilustrita Vortaro, aŭtorita de Gaston Waringhien, fakte ankoraŭ la sola granda vortaro esperanta-esperanta.