Heroldo Komunikas | Heroldo Komunikas

Tre interesaj ALTE-tagoj en Kardifo

HeKo 634 3-B, 17 feb 17

Tre interesaj ALTE-tagoj en Kardifo (Britio) ĉe la Instituto pri la kimra lingvo, kiujn KCE pere de sen. Giorgio Silfer partoprenis reprezentante esperanton, kiel kutime kaj ekskluzive.

Paneo en la virtualo paneigas la realon en Budapeŝto

HeKo 634 2-B, 16 feb 17

Ne necesas paroli esperanton por esti fuŝa informadikisto; eĉ male. Tiun veraĵon pruvis hodiaŭ en Budapeŝto la teknikisto kiu eliminis dum tuta tago la retaliron en la palaco de OKISZ, ĝuste kiam ĝi estis plej bezonata por literatura kafejo, kiun pluraj volis sed ne povis partopreni virtuale.

Paradoksoj en LOdE-sondadoj

HeKo 634 1-A, 15 feb 17

La vicprezidanto de Universala Esperanto-Asocio, Stefan MacGill, estis indikita kiel la Esperantisto de la Jaro 2016 en sondado de “La Ondo de Esperanto”. Sed aliﬂanke alia sondado de LOdE esprimas pesimismon pri UEA, ankaŭ pro eraroj pri kiuj ĝuste s-ro MacGill kunresponsas.

La konkurso de Samideano 2017

HeKo 633 9-A, 14 feb 17

Ni invitas partopreni en la konkurso “Poezio el ĉiuj ĉieloj”. La neniam publikigitaj poemoj povas esti en ajna lingvo, kondiĉe ke la konkursanto aldonu la esperanto-tradukon. Eblas ankaŭ sendi originalaĵon en esperanto.

Preskaŭ elĉerpita la dua represo de HEL

HeKo 633 8-B, 13 feb 17

Estas preskaŭ elĉerpita ankaŭ la dua represo de “Historio de la esperanta literaturo”. El la verko de c-anoj Carlo Minnaja kaj Giorgio Silfer nur trideko da ekzempleroj restas en la stokejo de LF-koop, la eldonejo. Certe eblas ankoraŭ provizi ĝin ĉe iu libroservo, sed probable dum pluraj monatoj la titolo ne estos disponebla ĉe la eldonejo mem, atende pri la dua eldono.

Programo 2017 de la Esperantista Kulturdomo en Bulgario

HeKo 633 7-B, 12 feb 17

La Esperantista Kulturdomo “D-ro Ivan Kirĉev”, Razgrado (Bulgario), anoncas sian programon por 2017.

Marto 06
Festa virina kunveno pri “La virina batalo por paco, justeco, tolereco, virinaj rajtoj kaj kontraŭ perforto”.
Inspirite de artikoloj en la revuo “Femina”.

Aprilo 03
Renkonto kun humuristo kaj satiristo el urbo Dulovo: Ivan Stojanov.
Aprilo 28-30

Literatura kafejo en Budapesto skajpe alirebla

HeKo 633 6-B, 11 feb 17

Naŭ personoj estas jam kuplitaj al specifa adreso, kiu ebligos ilian skajpan konekton al la literatura kafejo, organizata de Fajszi Amika Rondo en Budapeŝto. Ili estas preskaŭ ĉiuj membroj de Esperanta PEN-Centro, tial ke ĉi-lasta aŭspicias la aranĝon.

Preparata la nova responsulo pri la esperanta tempobanko

HeKo 633 5-C, 10 feb 17

“Mi eklernis la lingvon kaj la historion de ĝia parolkomunumo; aldone mi estas preparata kiel deĵorontino en Esperanto-Domoj. Sed la plej grava estas la preparo por diversaj aktivecoj ene de la Esperanta Civito”, diras Marta Gimeno, kadro formata nuntempe ĉe Kultura Centro Esperantista.

Eksterordinara februara numero de "Literatura Foiro"

HeKo 633 4-B, 9 feb 17

La kultura revuo “Literatura Foiro” ampleksas ok paĝojn pli ol kutime, do 64 entute, en sia februara numero (285). Sed LF estas eksterordinara ankaŭ pro la enhavo kaj la graﬁko, merito precipe de la ĉefredaktoro, c-ano Zlatoje Martinov, kaj de la asista redaktoro, c-ino Perla Martinelli.

La malkapablo argumentadi de la antiraŭmistoj

HeKo 633 3-A, 8 feb 17

“La nuna redaktoro de la UEA-revuo Stefan MacGill estas denaska esperantisto, la jam elektita posta (kun)redaktoro, Dima Sevĉenko, same, patro de sama; la estro de la komisiono pri la historio de la Akademio [de Esperanto] same, patro de samaj; ĉu realiĝas la revo de Zamenhof pri hereda transdono de la lingvo kaj kreo de popolo surbaze de ĝi?” demandis c-ano Carlo Minnaja en publika diskutejo.

La Kapitulo difinis la tagordojn de la aprila parlamenta sesio

HeKo 633 2-C, 7 jan 17

La Kapitulo de la Esperanta Civito kunvenis skajpe hodiaŭ, en alesto de ĉiuj membroj, escepte de sen. Julio Herrero, kiu havas problemojn kun la retaliro.

Borsa analizo de Esperantio, januaro 2017

HeKo 633 1-C, 6 feb 17

Laŭ la servo interna al Fondumo Pro Esperanto, januaro 2017 alportis la sekvajn variojn:

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.