HeKo 634 2-B, 16 feb 17
Ne necesas paroli esperanton por esti fuŝa informadikisto; eĉ male. Tiun veraĵon pruvis hodiaŭ en Budapeŝto la teknikisto kiu eliminis dum tuta tago la retaliron en la palaco de OKISZ, ĝuste kiam ĝi estis plej bezonata por literatura kafejo, kiun pluraj volis sed ne povis partopreni virtuale.
Diversaj studentoj de Universitato Adam Mickiewicz ne povis kupli sin al la diskuto pri la interlingvistikaj studoj, kiu tial ne povis okazi. Tio damaĝis la tutan literaturan kafejon, kiun sen. Anna Bartek zorge preparis, helpe de Esperanta PEN-Centro kaj de LF-koop.
La venonta literatura kafejo disvolviĝos samloke, sed estos malpli rete dependa. Dato: 16 marto 2017.
(HeKo 634 2-B, 16 feb 17)
Aldonu komenton