Kiel HeKo anoncis jam antaŭ tri monatoj, la Akademio de Esperanto havas novan prezidanton: prof. John Wells. La ceteraj estraranoj estas konfirmitaj en la respektivaj postenoj: Brian Moon kaj Probal Dasgupta, vicprezidantoj; Renato Corsetti, sekretario/kasisto.
Originala literaturo en la aŭgusta numero 228 de la revuo Literatura Foiro. La forpasinta poeto Julius Balbin ricevas omaĝon per sia poemo pri Janis Lipke kaj per biografia artikolo de Zofia Banet Fornalowa. Márton Féjes malkovras nekonatajn paĝojn el la vivo de Julio Baghy: la siberian mozaikon konsistigas historiaj fotoj kaj faksimiloj.
“Afero de espero” estas 86-paĝa konciza historio de la esperanto-movado en Afriko, laŭ subtitolo de la aŭtorino, Heidi Goes el Nederlando. Ni aperigas ĉi-sube parton de la recenzo, verkita de afrika esperantologo, por periodaĵoj de LF-koop. La recenzo estas grava kontribuo al la historiografio pri la afrika Esperantio.
Aperis la numero 21 de “Esperantista Tribuno”. La 24-paĝa bulteno de Esperantista Domo de Kulturo “D-ro Ivan Kirĉev” en Razgrado estas dediĉita al la centjariĝo de Bulgara Esperanto-Asocio. La enkondukaj vortoj estas pri la fondinto de la domo d-ro Ivan Kirĉev kaj pri la ĵus aperinta libro dediĉita al li.
HeKo 339 5-C, 27 sep 07
La mondcivitana movado (sidejo en Parizo) renovigis parton de la ĉefa instanco, la Kongreso de la Popoloj.
Ekde la 21a de septembro posttagmeze disvolviĝis ARKONES en Poznano, tradicia arta rendevuo. Dum la inaŭguro, kiun gvidis Elzbieta Malik kaj Tobiasz Kazmierski, kantis Zuzanna Kornicka.
En la unua programero la partoprenantoj ĝuis la prelegon de Jerzy Rzadzki pri “Komunikado sen perforto”. Samtempe ekfunkciis la libroservo gvidata de Pawel Janowczyk.
