La partoprenantojn en la hodiaŭa asembleo de Societo Yvonne Martinot, posedanta la kulturcentron “La Kvinpetalo” en Bureso (Francio), surprizis la oficiala komuniko de la Komitato ke Suzanne Bourot ne plu membros en SYM.
Scienca Instituto Zamenhof (agnoskita de la Esperanta Civito) komunikas la programon de la Simpozio pri Homaranismo, okazonta en Ĉaŭdefono 17-21 aŭgusto 2009, kunlabore kun Kultura Centro Esperantista. Pliaj informoj estas peteblaj ankaŭ tra nia redakcio.
Esperanto alestas gravajn literaturistajn renkontojn dum ĉi tiuj tagoj en Barcelono, Katalunio: la ĝenerala asembleo de la reto de rifuĝurboj kaj la kunveno de la Komitato pri tradukarto kaj lingvaj rajtoj, ambaŭ kadre de PEN Internacia. Nian literaturon reprezentas la prezidanto de la Esperanta PEN, d-ino Perla Martinelli, kaj la delegito ĉe la Komitato, prof. Giorgio Silfer.
Kultura Centro Esperantista reprezentas, kiel kutime, nian lingvon en kunveno de la Asocio de LingvoTestistoj en Eŭropo: ekde hodiaŭ en la tritaga internacia konferenco de Santiago de Kampustelo (Galegio).
En la laborgrupo pri lernejanoj, kadre de la internacia konferenco de Asocio de LingvoTestistoj en Eŭropo (ALTE) okazanta en Galegio, ni havis la eblecon (nome de Kultura Centro Esperantista) intimiĝi al kelkaj ideoj pri la kongruigo de la Komuna Eŭropa Framo de Referenco (KEFR) kun la lingvotestaj bezonoj por infanoj en la deviga lernejo.
Post la lasta Universala Kongreso en Roterdamo pluraj UEA-anoj decidis neniam plu meti piedon en UKon, kaj entute ne rekotizi al Universala Esperanto-Asocio: cirkonstanco prave ne konsiderita kiel klarigo pri la membrofalo de UEA en 2008, ĉar ĝi efikus en 2009 eventuale.
HeKo 389 2-C, 24 apr 09
Ĉi-matene en Santiago de Kampustelo la EU-komisionano pri lingvopolitiko, Leonard Orban el Rumanio, alparolis la 36an Konferencon de la Asocio de LingvoTestistoj en Eŭropo (ALTE), kie ĉeestas ankaŭ la delegacio de Kultura Centro Esperantista.
S-ino Franciska Toubale sendis la suban komunikon:
