La trisemajna informa gazeto pri la esperanta mondo “Heroldo de Esperanto” estas la sola esperantlingva internacia periodaĵo kiu dediĉas ĉiujare tutan numeron al Afriko, kutime la lastan (17an). Laŭ la redakcio, “Afriko meritas tutan numeron pro la multaj novaĵoj kiuj karakterizas la tie kreskantan esperanto-komunumon”.
La pola konsulejo en Kaliningrado rifuzis la renovigon de tutjara ŝengena vizo al Aleksander Korĵenkov, rusa ŝtatano, ĉefredaktoro de “La Ondo de Esperanto” kaj estrarano de Tutmonda Esperantista Ĵurnalista Asocio. Konsekvence, s-ro Korĵenkov partoprenos la Januaran Monatfinon de KCE en Svislando nur per skriba kontribuo.
HeKo 420 9-C, 28 jan 10
La Konsilio por la Projekto AmaHoro estas elektita: ĝiaj membroj estas gec-anoj Martin Mbazumutima, Libère Mudende, Chamberline Nguefack, Frédéric Nimubona, Salvator Nizigiyimana.
Debutis la 86a jarkolekto de “Heroldo de Esperanto”, kiun jam la 14an jaron eldonas, posedas kaj administras Kooperativo de Literatura Foiro, la duan jaron sub la ĉefredakto de c-ino Aneto Muhlemann.
Kvin personoj anoncis sin por la vintra lingvotesta sesio en Kultura Centro Esperantista, sed pro diversaj malhelpoj (de la trafikaj en neĝa lando ĝis individua misfarto) nur unu atingis la ekzamenan komisionon (konsistantan el c-anoj Francisko Degoul kaj Giorgio Silfer): d-ino Margherita Bianchi el Milano, kiu diplomiĝis pri la A2-nivelo.
La redakcio de “La Ondo de Esperanto” enketis ĉe diversaj personoj pri atingoj kaj fiaskoj en Esperantio dum la pasinta jaro. Jen la respondo de la unusola intervjuito kiu havas la esperantan civitanecon.
La ordinara Asembleo de Kultura Centro Esperantista kunvenis hieraŭ matene sub la tagprezido de c-ano David Buhlmann kaj kun la protokolado de c-ino Mariola Jobin. La jarkunveno ekis per la honorigo al la forpasinta apogantino, c-ino Berthe Spalinger: sen.
