decembro 2013

Tri informadikaj projektoj

HeKo 546 3-B, 2 dec 13

Kooperativo de Literatura Foiro bezonas fortigi la softvaran kaj hardvaran platformon, cele al plibonigo de sia nivelo en eldona graﬁko. La projekto, subreference de c-ino Perla Martinelli, estas konﬁdita al s-ro Andrea Lago, Andaluzio. Limdato: 2013 12 31. Financado: LF-koop.

Kolokvo pri "Vivanta lingvo de vivanta komunumo"

HeKo 546 4-B, 3 dec 13

Kultura Centro Esperantista, kunlabore kun la Lingva Komitato de Esperantio, organizas kolokvon pri la temo “Vivanta lingvo de vivanta komunumo”. La kolokvo celas esplori la diversajn konceptojn pri esperanto kiel lingvo, inkluzivante la demandon “kio estas lingvo?”.

Kien Afriko? Interesa debato en Buĵumburo

HeKo 546 5-C, 4 dec 13

En la granda halo de la Nacia Altlernejo pri Administrado en Buĵumburo (Burundio) okazis la jubilea konferenco pri la kvindeka jariĝo de la sendependiĝo de la Afrikaj ŝtatoj, 21 novembro 2013.

La prezidanto de la Societo Internacia por Paco Universala (SIPU), sen. Frederiko Nimubona, kiel ĉeforganizanto, enkondukis la temon: deﬁoj kaj perspektivoj por Afriko.

Claude Piron proponita por KCE-honorigo

HeKo 546 6-B, 4 dec 13

La Komitato de Kultura Centro Esperantista, sub la nuna prezido de c-ano Giorgio Silfer, proponas al la Asembleo de KCE dediĉi la Novan Salonon je la nomo de Claude Piron (1931[1945]-2008).

Aŭtuna numero 2013 de "Femina"

HeKo 546 7-B, 5 dec 13

Valoris la penon iom pli longe atendi la numeron 35 de Femina, ĉar ĝi prezentiĝas vere alloge – startante el la drameca kovrilo, kiu elstarigas la hungaran protagonistinon de la unua artikolo, “Gereb, la milda forto”. Ja la temo “akuŝolibero” fariĝas pli kaj pli aktuala, en mondo kie infanoj ne svarmas kiel antaŭe, kaj kie la patrinoj komencas postuli pli da atento.

Nelson Mandela, probatalanto de lingvaj rajtoj

HeKo 546 8-C, 6 dec 13

“Konkrete diﬁni la lingvajn rajtojn estas sendube belega entrepreno, jam de longe plenuminda. Mi deziras plenan sukceson al la projekto” deklaris Nelson Mandela en 1997, apogante la Universalan Deklaracion pri la Lingvaj Rajtoj, proklamitan dum la antaŭa jaro.

Kie eblas efektivaj neŭtraleco kaj plurismo?

HeKo 546 9-A, 7 dec 13

La Esperanta Civito estas federisme strukturita. Per tiu unika formulo ĝi sukcesas kaj solvi la eternan demandon de la neŭtraleco kaj garantii efektivan plurismon. La unua demando restas problemo de UEA, la dua restas problemo de SAT.

Bitmono sinkas post ĉina malpermeso

HeKo 547 1-A, 8 dec 13

Studante alternativajn ﬁnancajn produktojn, de certa tempo la Civita “banko”, nome Fondumo Pro Esperanto, atentas la evoluon de Bitmono, angle Bitcoin, kvankam ĝi ne akceptas bitmonan pagon. Interalie ĉi tiu virtuala monunuo posedas programon nomatan “spesmilo”.

Julian Modest konkurse kaj premiere

HeKo 547 2-A, 9 dec 13

Bulgara Esperanto-Asocio anoncas Literaturan Konkurson je la nomo de la eminenta bulgara esperantisto tradukisto “Ivan Krestanov”.

La konkurso estos por:
1. Traduko de bulgarlingva rakonto de nuntempa verkisto en Esperanton.
2. Eseo pri Ivan Krestanov aŭ pri la rolo de la tradukita Esperanta literaturo en la nuna mondo.

Universala Deklaracio pri la Homaj Rajtoj 65-jara

HeKo 547 3-A, 10 dec 13

Ĉu la konceptoj de demokratio, homaj rajtoj, civitaneco, estas vere universalaj, aŭ ili estas nur la historia produkto de la okcidenta kulturo? Tiu ĉi demando estas tre insida, ĉar ĝi iel solidaras kun la diskreditantoj de la Universala Deklaracio pri la Homaj Rajtoj. Tiuj diskreditantoj klopodas senvalorigi la epiteton “Universala”, por kiu René Cassin longe batalis.

Serĉo

Esperanta civitaneco

Petu la esperantan civitanecon per la reta formularo.

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.