julio 2014

Kongresa redaktoro de "Heroldo de Esperanto"

HeKo 562 3-B, 20 jul 14

La kongresa numero de “Heroldo de Esperanto” pri Mondevideo, Fortalezo kaj precipe Bonaero rezultos el kontribuoj de diversaj gekonatoj.

"Heroldo de Esperanto" akuratas: ek al la kompletigo!

HeKo 562 4-B, 22 jul 14

La numero 2225 (9:2014) de “Heroldo de Esperanto” estas ekspedata: ĝi kovras la aktualecon ĝis 14 julio 2014, inkluzive de la 10a Eŭropa Esperanto-Kongreso, la duboj en UEA pri E@I kaj lernu.net, paĝoj el la romano “Tabako” de Dimitar Dimov (traduko de Ilja Iliev, unua premio ĉe EKRA-2014), la agado de esperantistoj ĉe UN, la “misfutbala” UK, Peterlongo la esperantista urbestro, kaj multo plia

Informo pri komunista universitato en Londono

HeKo 562 5-C, 23 jul 14

Sen. Etel Zavadlav, estrino de la opozicia Ruĝa grupo en la Senato de la Esperanta Civito, informas pri la Komunista Universitato, okazonta anglalingve en Londono 16-23 aŭgusto 2014.

La oktagan aranĝon partoprenos c-ano Stan Keable, prezidanto de Internacia Komunista Esperantista Kolektivo (IKEK).

La planedo de la forgesataj militoj

HeKo 562 6-A, 24 jul 14

Dum la kongresa sezono regalas la esperantistaron per inaŭguraj salutoj, laŭcirkonstancaj festparoladoj kaj postkulisaj plendoj pro membrara, ﬁnanca kaj statuta regresoj, la planedo Tero turniĝas kun siaj konvulsioj.

Medicinista kongreso kun eksterordinara poligloto

HeKo 562 7-B, 25 jul 14

En la hungara ĉefurbo Budapeŝto disvolviĝis la 19a Internacia Medicina E-Kongreso kaj la 1a Mezeŭropa Biomedicina Kongreso, kun 183 partoprenantoj el ses landoj, 16-20 julio 2014.

La temo de la du kongresoj estis: “Kronikaj malsanoj kiel minacoj de la nuntempaj socioj en la XXI jarcento”.

Bonaero kun malbonjaro?

HeKo 562 8-A, 26 jul 14

Kiel ĉiujare, la Universala Kongreso ekanta ĉi-semajnﬁne en Bonaero donas al UEA kaj al ĝia gvidantaro la ŝancon poluri sian bildon. Sed la etoso, tutan jaron poste, estas multe malpli favora al Mark Fettes, kiel atestas ĉi tiu komentario cirkulanta en la reto, subskribe de Sebastiano, post ĵusa intervjuo de LibFol al la UEA-prezidanto:

Universala Kongreseto en Bonaero

HeKo 562 9-A, 27 jul 14

Rekorde malgranda Universala Kongreso en Bonaero: nur sescento da efektivaj ĉeestantoj, la duono kompare kun la lasta antipoda kongreso (Adelajdo 1996); el ili, pli ol triono el Brazilo plus Argentino. Nur Vaŝingtono 1910, San-Francisko 1915 kaj Hago 1920 havis malpli da partoprenantoj; sed du el ili okazis en (post)mondmilita tempo, kaj neniun el ili organizis UEA.

Rooke agnoskis la finon de sia mandato

HeKo 563 1-C, 28 jul 14

C-ano Dieter Rooke agnoskis la ﬁnon de sia mandato, post la apliko de la artikolo 6 de la Senata Reglamento, per letero al la nova Ruĝa grupestrino, datita 19 julio 2014. Sen. Etel Zavadlav voĉdonis por lia deviga eksigo, pro la delikto de korupto.

Estimata Senatano,

Festa fino de lernojaro en Lomeo

HeKo 563 2-A, 28 jul 14

Kvankam la komenco de la lernojaro 2013-2014 estis iom kriza, la laboroj tamen iris ne malbone en Institut Zamenhof, Lomeo. La rezultoj jarﬁnaj montras, ke IZo ĉiam sekvas la vojon, kiun ĝi strekis al si. IZo (posedata de fondumo TIETo) ĉiam staras inter la pintuloj dum la diversaj ekzamenoj jarﬁnaj.

Komunaj studotagoj kun la Okcitana PEN

HeKo 563 3-B, 29 jul 14

Komunaj studotagoj de la okcitana kaj esperanta literaturoj okazos ĉe Kultura Centro Esperantista, 6-7 aŭgusto 2014. Inter la gastoj el Okcitanio la prezidanto de la okcitana PEN-centro, Jean-Frédéric Brun; esperanto-verkistoj ĉeestos kaj ﬁzike (gec-anoj Perla Martinelli, Giorgio Silfer, Walter Zelazny) kaj skajpe. La renkonto okazos en la franca lingvo.

Serĉo

Esperanta civitaneco

Petu la esperantan civitanecon per la reta formularo.

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.