Monthly archive | Heroldo Komunikas

Bildstria festivalo en Angulemo 2016

HeKo 591 7-B, 30 jan 16

La speciala atento de la ĉi-jara “Literatura Foiro” pri bildliteraturo kondukis tri membrojn de la redakcio al vizito ĉe la Internacia Festivalo de Bildstrioj en Angulemo, dum ĉi tiuj tagoj. Francio kaj Belgio restas la ĉefaj landoj por la komiksa arto, tiel ke ili altiras ankaŭ la ĉeeston de eksterlandaj aŭtoroj, precipe italaj.

Osmo Buller trafita de milda cerbinfarkto

HeKo 591 8-A, 31 jan 16

La elirantan direktoron de Universala Esperanto-Asocio traﬁs milda cerbinfarkto, kio devigis lin pasigi grandan parton de januaro en universitata kliniko. Li ĵus rekomencis labori plentempe, kaj esperas atingi aktiva en la posteno la 22an de februaro, daton de sia deﬁnitiva retiriĝo, pro la eluzo de libertempaj tagoj dum la lastaj semajnoj de sia dungiteco.

FEM asembleos en Budapeŝto okaze de ARTE

HeKo 591 9-B, 1 feb 16

La ordinara Asembleo de Feminisma Esperanta Movado estas kunvokita al Budapeŝto la 4an de aŭgusto 2016 je 10h00. La Asembleo okazos dum Arta Renkonto Transnacia en Esperanto, kiu disvolviĝas posttagmeze kaj vespere.

La Kapitulo intense laboris en Angulemo

HeKo 592 1-C, 2 feb 16

La Kapitulo de la Esperanta Civito kunvenis kvorume en Angulemo, sub la prezido de la Konsulo, sen. Marie-France Conde Rey, 30 kaj 31 januaro 2016.

EU-Parlamento diskutas pri molestado al virinoj

HeKo 592 2-E, 3 feb 16

La Parlamento de Eŭropa Unio konfrontiĝas dum ĉi tiuj horoj en Strasburgo kun la EU-Komisiono kaj la EU-Konsilio pri la seksa molestado kaj perforto kontraŭ virinoj en publikaj lokoj. La geparlamentanoj intervenas po kvin minutoj, diskutante la proponitajn deklarojn de la ekzekutivaj EU-instancoj. El la debato klare elmergiĝas du aloj.

Marĉek demisiis de la LKK en Nitro

HeKo 592 3-A, 4 feb 16

Kvankam la koncerna retpaĝo de UEA daŭre montras lian portreton, s-ro Stano Marĉek jam de monato rezignis pri la respondeco de la kultura programo, kadre de la Loka Kongresa Komitato por la 101a UK en Slovakio.

Koffitchè Koufionou nova forumano de STELO

HeKo 592 4-C, 5 feb 16

Studenta Esperanta Ligo havas novan delegiton ĉe la Forumo de la Esperanta Civito: c-ano Koﬃtchè Kouﬁonou, juna studento en Lomeo. Li anstataŭas c-anon Paolo Sorgi, kiu eklernis esperanton kaj kunfondis STELOn en 2003 en Torino. STELO restas kun eŭropa forumano, apud la nova en Afriko.

SAT-Amikaro survoje al malfondo?

HeKo 592 5-A, 6 feb 16

Ĉi-monate SAT-Amikaro referendumas pri sia eventuala malfondo. La alternativo estas renovigi la statuton, rezigni pri la jara kongreso (ja neniu invitis ĝin post 2013), ĉesigi la gazeton La SAGo (kiu jam ne aperas), ne ĝisdatigi la retejon; plu ekzistus nur libroservo, ioma eldonado, minimuma administrado.

Anjo Amika kaj Nikolin' la 7an de majo en Bruselo

HeKo 592 6-C, 7 feb 16

Du el la plej famaj esperanto-kantistinoj gastos en Bruselo okaze de la oﬁciala inaŭguro de la Okcidenta Legacio de la Esperanta Civito: Anjo Amika kaj Nikolin”.

Literatura kafejo honore al Helmar Frank

HeKo 592 7-B, 8 feb 16

La 30a literatura kafejo en Budapeŝto, 18 februaro 2016, estos enfokusigita al la libro “Littera scripta manet”, omaĝo al prof. Helmar Frank (1933[1973]-2013).