Unuiĝo de Esperantistoj en la Tuta Afriko daŭre ekzistas, sed travivas tre malfacilan konjunkturon. Unuflanke ĝi havas problemojn kun la Afrika Komisiono de la Universala Asocio, specife pro la organizado de kontinentaj kongresoj. Aliflanke ĝin torpedis elinterne c-ino Chamberline Nguefack (ekskonsulo kiu demisiis de la Senato por eviti proceson en la Esperanta Civito).
Tre sukcesa premiero de “Gvendolena la blanke-brova”, lasta en la kamiŝibaja trilogio de Giorgio Silfer, hieraŭ vespere en Wiesbaden (Germanio) dum la Novjara Renkontiĝo organizita de EsperantoLand.
Kultura Centro Esperantista organizis en Malago la lastan lingvotestan sesion de 2019, tuj antaŭ la Tago de la Esperanta Kulturo. gec-anoj Perla Martinelli kaj Giorgio Silfer ekzamenis du kandidatinojn, kiuj membras en Esperanta Naturamikaro.
Post la hispana (helpe de Maria Elena Ruiz Cruz) kaj la franca (helpe de Marie-France Conde Rey) estos la sveda la tria prespreta versio de “Konciza kultura historio de la esperantlingva komunumo”, verkita de Giorgio Silfer kaj tradukita de Bertil Nilsson, filozofo, filologo kaj historiisto.
La Komitato de Tutmonda Esperantista Junulara Organizo ne esprimis senkuraĝigon pro la negativa rezulto de la referendumo ĉe la Civitanaro pri aŭtomata membriĝo en TEJO por la gejunuloj kun esperanta civitaneco.
Kvin el la sep elirantaj Kapitulanoj estas jam konfirmitaj de la eniranta Konsulo. Por la eksa Konsulo temos pri interŝanĝo: sen. Giorgio Silfer transprenos de sen. Riichi Karibe la responson pri la financaj aferoj. La Kapitulo konsultiĝos antaŭ ol konfirmi la konfidon al la nuna konsilio de fondumo Pro Esperanto.
Konforme al manifesto pri kultura libereco, lanĉita dum la lasta PEN-mondkongreso, kaj pro la rezolucio de Unuiĝintaj Nacioj kiu kondamnas Birmon pro la persekuto kontraŭ la islama rohinĝa minoritato, la Esperanta PEN petis la Komitaton pri tradukarto kaj lingvaj rajtoj rekonsideri la kunvenon kiun tiu Komitato kunvokis al Birmo por majo 2020.
Ne estis facila la pasinta jaro por “Amikumu”, akcia societo kreinta kaj administranta socian reton, kiu provizas la uzantojn per komunika platformo kun la ebleco fizike lokalizi ilin.
Kiel Ameriko, ankaŭ Afriko estis koloniigita de subjektoj kiuj eksportis siajn lingvojn kaj religiojn. Tamen la situacio de la indiĝenaj lingvoj estas tre malsama en la du kontinentoj. Kio okazas kaj okazos en la nigra kontinento? Analizon kaj perspektivon faros prof. Giorgio Silfer, dum renkonto kun la stabo de Instituto Nacia de Lingvoj Indiĝenaj en Meksikurbo, 20 januaro 2020.
Komitato Armand (pri esperantistoj en prizono) komunikas:
