La civita biblioteko de insulo Olerono en Francio ricevis ses skatolojn da libroj, diskoj kaj kasedoj, herede de iu s-ro Angot. La biblioteko tamen rifuzis ilin, oficiale pro spacomanko, kaj bonŝance kontaktis la prezidantinon de Esperanto-Charento, antaŭ ol detrui ilin. Sen. Marie-France Conde Rey persone veturis al la Atlantiko kaj savis la trezoreton.
“En la investopolitiko, la prokrastado estas maltrankviliga” publike deklaris Osmo Buller, eksa direktoro kaj nuna komitatano de la Universala: “Kiel mi multfoje diris, ni daŭre perdas enspezojn pro mono, kiu kuŝas pasiva aŭ povus produkti pli ol nun. Estas preteksto, se oni ne aktiviĝas pri ilia [ĝia] investado pro manko de formala investopolitiko.
De kelke da tempo aro da universitataj profesoroj (inter ili c-ano Fernando Pita) strebas starigi kurson pri esperanto en la Federacia Instituto de Cearao (IFCE), Brazilo. La afero bone marŝas kaj, inter la proponataj lernobjektoj, estos kurso pri Esperanta kulturo. Tial prof.
En la planata Esplora Instituto de Esperantologio post la katedro pri metodiko de la esperanto-instruado, ankaŭ la katedro pri beletro havas programon, ekzamenotan kaj aprobotan fare de la Komitato de Kultura Centro Esperantista.
Sen. Tihomir Lovriĉ revenis hodiaŭ al Eŭropo post kvarsemajna deĵoro en Buĵumburo ĉe la Tanganika Esperanto-Domo, kie li plenumis diversajn gravajn taskojn. Oni povas diri ke li “testis” la restadon en la domo mem.
Same kiel LF-koop kaj KCE, ankaŭ Esperanta PEN-Centro havos realan Asembleon en Svislando, ĉe la Esperanto-Domo en Ĉaŭdefono. La verkistaro kunvenos 9 aŭgusto 2021, verŝajne sub la gvido de la vicprezidanto, sen. Georgi Mihalkov, ĉar la prezidanto, c-ano Tomasz Chmielik, delonge misfartas.
Tri afrikaj kaj du eŭropaj C-diplomitoj laŭ la LingvoTesta Sistemo de la Esperanta Civito (la sola en la mondo kie eblas diplomiĝi de A1 ĝis C2 pri esperanto) komencis ĉi-monate trejnadon por aktivi kiel ekzamenistoj. La trejnadon gvidas c-ano Giorgio Silfer kaj akompanas c-ino Lorena Bellotti, delegitoj pri nia lingvo ĉe la Asocio de LingvoTestistoj en Eŭropo (ALTE).
