Tutmonda Esperantista Junulara Organizo ŝajnas bezoni pli da kandidatoj por volontulado en Roterdamo, laŭ sia oficiala komuniko — estas rimarkinde ke la alvoko parolas pri Centra Oficejo en la vendata domo de UEA: se vendita, kie ili laborus?
Nia konsorcio havas kialojn rigardi kun intereso la ekstereŭropajn kulturajn establojn, kiel atestas la sukcesa inkludo de afrikaj realaĵoj en la Civita familio. Samtempe, tamen, ankoraŭ mankas kunlaboroj kun la azia kontinento, kie la esperanta komunumo ja havas profundan historion kaj altan nivelon kulture.
Ĵus finiĝis sukcese la frazeologia staĝo de Kultura Centro Esperantista, 13-19 aŭgusto 2025, kun fokuso pri la tradukado de idiomaj kaj proverbaj esprimoj en esperanton: tiaj esprimoj ofte estas grava obstaklo por tiuj, kiuj verkas en ĉi tiu lingvo.
Dum la Scienca Forumo okazinta kadre de la 110-a Universala Kongreso de Esperanto (UK) en Brno estis disdonitaj la Premio Pirlot (por la plej bonaj sciencaj libroj de la jaro) kaj la nova Premio Charles Power (por la plej bonaj sciencaj prelegoj de la UK).
HeKo 884 1-C, 20 aŭg 25
Konkludiĝas hodiaŭ dusemajna vojaĝo, kiun la vickonsulo pri informado kondukis en la Respubliko Koreio, celante starigi amikajn kaj kunlaborajn kontaktojn kun la lokaj civila socio kaj esperantista mondo.
Kataluna Esperanto-Asocio, fidela al sia fondoprincipo antaŭenigi la internacian lingvon Esperanto kiel ilon de frateco kaj interkompreniĝo inter la popoloj, esprimas sian profundan konsterniĝon pri la nuntempaj okazaĵoj en Gazao.
HeKo 884 3-C, 21 aŭg 25
La Internacia Konsilio pri Arkivoj, internacia tegmenta organizo de arkivaj institucioj kaj individuaj arkivistoj, ĵus publikigis la esperantan tradukon de la Universala Deklaracio pri Arkivoj, verkitan de vickonsulo sen.
Mobilizite de Pro Esperanto kiel regio, dum la lastaj du semajnoj Civila Esperanta Servo aktivis pere de majstro c-ano Claudiu Doda por riparoj kaj renovigoj de du apartamentoj de Kultura Centro Esperantista kaj du aliaj de Kooperativo de Literatura Foiro, ĉiuj en Svislando.
HeKo 884 5-C, 22 aŭg 25
Kunvenis hodiaŭ la gvidantoj de la fakrondo pri informado de la Esperanta Civito, celante plifortigi la komunikadon de la konsorcio, laŭ la indikoj de la politika programo aprobita en Malago ĉi-jare. La konkludoj de la kunveno estas fakte prezentotaj al la Kapitulo, kunvokita por la 27a de aŭgusto, por ke ili estu diskutitaj.
HeKo 884 6-C, 23 aŭg 25
Plia apogo al la propono de rezolucio Kagina-Bartek pri cionismo estis hodiaŭ sendita al la Konsulino, sen. Lorena Bellotti: ankaŭ ĉi-foje fare de verda senatano, nome d-ino Perla Martinelli — kun ŝi iĝas jam kvar la subtenantoj de la propono.
