HeKo 622 8-C, 19 nov 16
La adreso de la fondumo Fajszi Amika Rondo, establo aliĝinta al la Pakto, estas kaj restas en Üllöi út 101.III.2, HU-1091 Budapest (distrikto Ferencváros), kun la sama retadreso: budapest ĉe esperantio.net
La nova adreso de la orienta legacio de la Esperanta Civito estas en Thököly út 58-60, HU-1146 Budapest (distrikto Zugló), kun la sama retadreso: hu_legacio ĉe esperantio.net
Kvankam la establo FAR situas proksime al Lingvostudio (privata entrepreno de s-ro László Szilvási) kaj la legacio situas tute proksime al Hungaria Esperanto-Asocio (landa branĉo de UEA), nek Fajszi Amika Rondo nek la Esperanta Civito havas specifan rilaton kun tiuj subjektoj: la topografia proksimeco fontas el pura hazardo. Tamen individuaj FAR-anoj membras en HEA; simile okazas ke gecivitanoj membras kaj en FAR kaj en la legacia stabo.
La legacia sidejo estas finaranĝata: la oficiala inaŭguro estas fiksita por la 19a de januaro 2017. La prezidanto de FAR estas kaj restas c-ano d-ro György Nanovfszky; pro malsano lin anstataŭas la vicprezidanto, c-ino Anna Bartek, ĝis nova decido de la Fonduma Konsilio. La legacia asistanto estas nomumota de la Kapitulo.
(HeKo 622 8-C, 19 nov 16)
Aldonu komenton