HeKo 604 7-B, 25 jun 16
“Historio de la esperanta literaturo” estas la plej vendita libro dum la lastaj tri monatoj, laŭ la furorlisto en la UEA-katalogo.
La venonta prezento pri la verko de c-anoj Carlo Minnaja kaj Giorgio Silfer okazos dum la Baltiaj Esperanto-Tagoj en Litovio, fare de unu el la aŭtoroj.
Intertempe progresas la preparo de plurlingva libreto, bazita sur la ĉapitroj enkondukaj al la kvin literaturaj periodoj: la teksto celas unuavice la grandan membraron de PEN Internacia (pli ol dek mil organizitaj geverkistoj), konsekvence ĝi atingas la jaron 1996an, kiam estis proklamita la Universala Deklaracio pri la Lingvaj Rajtoj, ellaborita en la PEN-medio (kaj subskribita de Giorgio Silfer kaj Manuel de Seabra, nome de la Esperanta PEN).
Aldonu komenton