HeKo 329 6-B, 6 maj 07
Mi konsideras iom insida la komenton* pri la malapero de la retejo de Meksika E-Federacio post ties aliĝo al la Esperanta Civito. Kiel fondinto kaj respondeculo de la retejo, mi povas aserti ke temas pri du tute nerilatitaj aferoj.
La retejo ĉesis funkcii pro teknikaj kaj personaj kaŭzoj, kaj mi ĝojas anonci ke espereble denove funkcios venontan semajnon. La aliĝo al la [Pakto por la Esperanta] Civito estas alia afero, kiu certe meritas plian analizon ol kiun mi povus fari ĉi tie.
Jorge Luís Gutierrez, Cuernavaca
* La misfamigan komenton aŭtoris Kalle Kniivilä en sia skandalisma retgazeto. MEF (kies membro s-ro Gutierrez ne estas jam de kelkaj jaroj, kvankam li aktive partoprenis en ĝia fondo, en 1996) petis aliĝon al la Pakto en 2005.
Aldonu komenton