HeKo 526 2-C, 12 feb 13
En la nuna jaro la Senato de la Esperanta Civito kunvenos du fojojn. Unue en Budapeŝto la 24an de majo 2013: tion decidis la Konsulo, ĵus konsultinte la grupestrojn, laŭ la senata reglamento. Ĉi tiu senata sesio ne akompanos ankaŭ foruman, nome la alia branĉo de la Parlamento ne kunvenos en Budapeŝto.
Parlamentaj sesioj (kaj de la Senato kaj de la Forumo) okazos en Buĵumburo, ĉefurbo de Burundio, en novembro 2013, okaze de la Jubilea Afrika Kongreso en Esperanto kaj de la 4a Afrika Esperantologia Semajno.
La tagordoj de la diversaj sesioj estos ĝustatempe komunikitaj al ĉiuj geparlamentanoj.
Aldonu komenton