HeKo 694 7-C, 5 nov 18
La Konsulo vojaĝos al Afriko meze de decembro 2018 kaj tie restos dum tri semajnoj, zorgante pri diversaj projektoj, interalie: a) la klerigo de Civitaj kadroj en la regiono de la grandaj lagoj; b) la starigo de la unua esperanto-teatro en Afriko; c) la efektivigo de la Tanganika Esperanto-Domo. Krome li prezidos parlamentan sesion de la Esperanta Civito. Lin akompanos kaj helpos c-ino Perla Martinelli, vickonsulo pri informado.
Reveninte al Eŭropo, meze de januaro c-ano Giorgio Silfer vojaĝos al Norda kaj Centra Ameriko, kie li zorgos pri aliaj projektoj, specife la diskonigo de la esperanta literaturo kaj la lingva biodiverseco, kadre de la Internacia Jaro de la Indiĝenaj Lingvoj (al kiu “Literatura Foiro” dediĉos siajn kovropaĝojn en 2019). Lia restado en Ameriko daŭros du plenajn monatojn, kaj lin akompanos la edzino, same kiel por Afriko.
Aldonu komenton