HeKo 621 6-B, 6 nov 16
La internacia lingvo disvastiĝas en madagaskaraj lernejoj: la privata gimnazio Bouba estas la unua akceptinta esperanto-instruadon, en duagradaj klasoj. Ĝia direktorino parolas ĝin kaj kuraĝigas la geknabojn al lernado: nun ili estas pli ol ducento.
Tiu lernejo disponigas ankaŭ vastan ĉambron al la Internacia Esperanto-Centro kaj al la klubo “Brilanta Suno”, gvidataj de c-ano Désiré Rabevazaha. Helpo estas bonvena de eksterlande.
C-ano Rabevazaha kandidatas en la Verda Listo al la Senato de la Esperanta Civito. Lia espero estas pli kaj pli ligi la aktivecon en Madagaskaro al kontaktoj kun eksterlando.
(HeKo 621 6-B, 6 nov 16)
Aldonu komenton