La Ĝenerala Asembleo de Itala Interlingvistika Centro okazos en Milano, en la tesalono de fama konfitejo, ekde tagmezo de 16 aprilo 2025, tuj post lunĉo honore al la smeralda jubileo de IIC, fondita en Milano antaŭ kvardek jaroj.
Funkcianta ĝis nun kiel itala filio de LF-koop, ĝi estas samaĝa kiel Societo Yvonne Martinot, kiu funkciis kiel franca filio ĝis 1998. La asocion prezidis laŭvice Marco Picasso, Enrico Beltramini, Tiziana Rogora, Giorgio Silfer (kies mandato ĉesos en 2026).
Dum sia longa ekzisto ĝi eldonadis gazeton “Lingua Verde”, pri la atingoj de la esperanta kulturo, iniciatis kursojn pri planlingvistiko kadre de la aktiveco de la Milana Civito, eldonis kelkajn broŝurojn, apogis la kurson pri esperantologio en la universitato de Torino, kreis bibliotekojn en Milana universitatp kaj aliloke. organizis seminariojn diversloke en Lombardio. En la Forumo de la Esperanta Civito IIC estas reprezentata de c-ino Cristina Stefani.
Aldonu komenton