ENa ne partoprenas en la NFI-konferenco

Ĉi-semajnfine disvolviĝas la jara Konferenco de Naturamika Internacio (NFI), apud Bielefeld en Germanio. La Konferenco estas la plej grava kunveno inter du mondkongresoj. Ĝi arigas la prezidantojn de la diversaj federacioj kaj/aŭ ties delegitojn.

Pasintjare dum la mondkongreso en Olomouc la etoso ne estis ĉiam serena, precipe pro la strategia diverĝo inter la germana kaj la aŭstra delegacioj. La evoluo de la administracio dum la lastaj dek unu monatoj ne serenigis la ĉielon.

NFI situas pli for ol la esperantlingvaj neregistaraj organizoj (unuavice TEJO) rilate al la taktiko de subvenciakirado. Unuflanke, NFI jam eniris la fazon kiam oni ricevas malpli da subvencioj ol bezonate; aliflanke, oni jam komprenas ke la subvenciakirado kuntrenas riskojn kaj danĝerojn, kiel konflikton de interesoj kaj malversacion.

Esperanta Naturamikaro decidis ne partopreni en la Konferenco, ĉar
a) la nuna statuso ne donas ankoraŭ plenan voĉrajton; kial do partumi respondecon?
b) la aktiveco de ENa, specife la proponoj post la seminario pri naturamikaj domoj kaj disponeblo por NFI de oficejo en Bruselo, ne ricevis adekvatan atenton;
c) la financa situacio en Vieno bezonas ankoraŭ klarigon.