HeKo 660 3-E, 4 okt 17
La Parlamento de Eŭropa Unio dediĉis hodiaŭ malpli ol horon al debato pri la situacio en Hispanio, kaj specife en Katalunio. Intervenis nur la prezidantoj de la diversaj parlamentaj grupoj, ĝenerale kun akcento de zorgemo kaj bedaŭro pro la nuna institucia krizo, post enkonduka raporto de la vicprezidanto de la Komisiono, s-ro Timmermans.
En la fino neniu rezolucio estis proponita, sed la prezidanto de la Parlamento, s-ro Tajani, faris parolan resumon, kiu emfazis la akcenton de la intervenoj kaj esperis en solvo ene de la hispana konstitucio.
Se tiu resumo sonis inklina al solidareco kun Madrido, aliaj deputitoj (ekzemple por la Verda partio) aspektis pli distance, pro la responso de la polico kaj la gvardio en la akcidentoj dum la referendumo. Ĉiukaze, ŝajnas iluzio atendi ian arbitracion de Eŭropa Unio pri la hispana krizo.
Aldonu komenton